ദേശീയ പുരസ്‌കാരം നേടി കൈറ്റിന്റെ ‘ഫസ്‌റ്റ് ബെല്‍’

By Staff Reporter, Malabar News
first bell
Ajwa Travels

തിരുവനന്തപുരം: കൈറ്റിന്റെ ‘ഫസ്‌റ്റ് ബെല്‍’ പ്ളാറ്റ്ഫോമിന് ദേശീയ പുരസ്‌കാരം. കോവിഡ് പ്രതിസന്ധിക്കാലത്ത് സാങ്കേതിക വിദ്യകള്‍ പ്രയോജനപ്പെടുത്തി കേരളത്തിലെ 45 ലക്ഷം കുട്ടികള്‍ക്ക് ഡിജിറ്റല്‍ ക്ളാസുകള്‍ ലഭ്യമാക്കിയതിനാണ് പൊതുവിദ്യാഭ്യാസ വകുപ്പിലെ കേരള ഇന്‍ഫ്രാസ്ട്രക്ചര്‍ ആന്‍ഡ് ടെക്നോളജി ഫോര്‍ എഡ്യൂക്കേഷന് ‍(കൈറ്റ്) ‘ഡിജിറ്റല്‍ ടെക്നോളജി സഭ അവാര്‍ഡ് 2021’ ദേശീയ പുരസ്‌കാരം ലഭിച്ചത്.

കൈറ്റ് സിഇഒ കെ അന്‍വര്‍ സാദത്ത് അവാര്‍ഡ് സ്വീകരിച്ചു. വീഡിയോ കോണ്‍ഫറന്‍സിംഗ് വഴിയാണ് അവാർഡ് വിതരണ ചടങ്ങ് നടന്നത്.

പ്രീ-പ്രൈമറി മുതല്‍ പ്ളസ് ടു വരെയുള്ള കുട്ടികള്‍ക്കായി പൊതുവിഭാഗത്തിലും തമിഴ്, കന്നഡ മീഡിയത്തിലുമായി 6500 ക്ളാസുകള്‍ കൈറ്റ് വിക്ടേഴ്സിലൂടെയും മറ്റും സംപ്രേഷണം ചെയ്‌തതോടൊപ്പം എല്ലാ ക്ളാസുകളും ഒരു കുടക്കീഴില്‍ ലഭ്യമാക്കിയ സംവിധാനമാണ് ‘ഫസ്‌റ്റ് ബെല്‍’‍ പ്ളാറ്റ്ഫോം‍ (firstbell.kite.kerala.gov.in).

പൊതു ക്ളാസുകള്‍ക്ക് പുറമെ റിവിഷന്‍ ക്ളാസുകളും ഓഡിയോ ബുക്കുകളും കേള്‍വിശക്‌തി കുറഞ്ഞ കുട്ടികള്‍ക്കായി സൈന്‍ അഡാപ്റ്റഡ് ക്ളാസുകളും ഫസ്‌റ്റ് ബെല്ലില്‍ ലഭ്യമാക്കിയിട്ടുണ്ട്.

ഏറെ അഭിമാനകരവും മാതൃകാപരവുമായ പ്രവർത്തനങ്ങൾക്ക് കൈറ്റിന് ലഭിച്ച അംഗീകാരത്തില്‍ പങ്കാളികളായവരേയും കുട്ടികളെയും വിദ്യാഭ്യാസ മന്ത്രി പ്രൊഫ സി രവീന്ദ്രനാഥ് ചടങ്ങിൽ വെച്ച് അഭിനന്ദിച്ചു.

Read Also: ശുഭയാത്ര പദ്ധതി; സൗജന്യ ഇലക്‌ട്രോണിക് വീല്‍ചെയറുകള്‍ വിതരണം ചെയ്യും 

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE