തിരുവനന്തപുരം: കൈക്കൂലി കേസില് ഡിജിപി ടോമിന് ജെ. തച്ചങ്കരിക്ക് വിജിലന്സിന്റെ ക്ലീന്ചിറ്റ്. ഗതാഗത കമ്മീഷണറായിരിക്കെ പാലക്കാട് ആര്.ടി.ഒ യില് നിന്നും കൈക്കൂലി വാങ്ങിയെന്ന കേസിലാണ് ക്ലീന്ചിറ്റ് നല്കിയത്. കേസില് മതിയായ തെളിവുകളില്ല എന്ന് ചൂണ്ടിക്കാട്ടിയാണ് തച്ചങ്കരിക്ക് ക്ലീന്ചിറ്റ് അനുവദിച്ചത്. ക്ലീന്ചിറ്റ് നല്കികൊണ്ടുള്ള റിപ്പോര്ട്ട്, തിരുവനന്തപുരം വിജിലന്സ് പ്രത്യേക കോടതിയില് ഉദ്യോഗസ്ഥര് സമര്പ്പിച്ചു. തച്ചങ്കരിക്കെതിരെ പ്രചരിച്ച ഓഡിയോ ടേപ്പ് വിശ്വസനീയമല്ല എന്നും ഉദ്യോഗസ്ഥര് കോടതിയില് പറഞ്ഞു. ഡിജിപിക്കെതിരെ വകുപ്പുതല അന്വേഷണത്തിനുള്ള ശുപാര്ശയും വിജിലന്സ് മുന്നോട്ട് വെച്ചിട്ടുണ്ട്.
Read also: വൈറ്റ് ഹൗസിലേക്ക് തപാലായി ഉഗ്രവിഷം അടങ്ങിയ കത്ത്; റിപ്പോര്ട്ടുകള് പുറത്ത്