തൃശൂർ : വിസ വാഗ്ദാനം ചെയ്ത് പണം തട്ടിയ ശേഷം ഒളിവിൽ കഴിഞ്ഞിരുന്ന പ്രതികളിൽ ഒരാൾ പിടിയിലായി. തൃശൂർ ജില്ലയിലെ ആറ്റപ്പാടം സ്വദേശിയായ യുവാവിൽ നിന്നാണ് രണ്ട് പേർ ചേർന്ന് വിസ വാഗ്ദാനം ചെയ്ത് പണം തട്ടിയത്. ഇവരിൽ ഇടുക്കി തോപ്രാംകുടി കുളപ്പുറത്ത് വീട്ടിൽ ബിനു(37)വിനെയാണ് എസ്എച്ഒ ബികെ അരുണിന്റെ നേതൃത്വത്തിലുള്ള സംഘം കഴിഞ്ഞ ദിവസം അറസ്റ്റ് ചെയ്തത്.
കാനഡയിലേക്കുള്ള വിസ വാഗ്ദാനം ചെയ്താണ് 2016 ജൂലൈയിൽ രണ്ട് പേർ ചേർന്ന് തൃശൂർ സ്വദേശിയായ യുവാവിൽ നിന്നും 6 ലക്ഷം രൂപ തട്ടിയത്. ശേഷം ഇരുവരും ഒളിവിൽ കഴിയുകയായിരുന്നു. പണം തട്ടിയ ശേഷം ഇവരെ ഫോണിൽ ബന്ധപ്പെടാൻ സാധിച്ചിരുന്നില്ല. തുടർന്ന് യുവാവിന്റെ അമ്മ ചാലക്കുടി മജിസ്ട്രേറ്റ് കോടതിയിൽ നൽകിയ പരാതിയെ തുടർന്നാണ് അന്വേഷണം നടത്തി അറസ്റ്റ് രേഖപ്പെടുത്തിയത്. പ്രതികളിൽ ഒരാൾ ഇപ്പോഴും ഒളിവിൽ കഴിയുകയാണ്.
Read also : പട്ടാപകൽ കാട്ടുപന്നിയുടെ ആക്രമണം; ഒരാൾക്ക് പരിക്ക്