തിരുവനന്തപുരം : ജാമ്യവ്യവസ്‌ഥയിൽ ഇളവ് അനുവദിക്കണമെന്ന ആവശ്യവുമായി വികെ ഇബ്രാഹിംകുഞ്ഞ് ഹൈക്കോടതിയിൽ. പാലാരിവട്ടം പാലം അഴിമതിക്കേസിൽ വ്യവസ്‌ഥകളോടെ ജാമ്യം ലഭിച്ചതിന് പിന്നാലെയാണ് ഇളവുകൾ അനുവദിക്കണമെന്ന ആവശ്യവുമായി ഇബ്രാഹിംകുഞ്ഞ് കോടതിയെ സമീപിച്ചത്.
വ്യവസ്‌ഥകൾ പ്രകാരം എറണാകുളം ജില്ല വിട്ട് പുറത്തു പോകുന്നതിന് നിലനിൽക്കുന്ന വിലക്ക് നീക്കണമെന്നാണ് അദ്ദേഹം കോടതിയിൽ ആവശ്യപ്പെട്ടത്. കൂടാതെ കേസിലെ അന്വേഷണവും ചോദ്യം ചെയ്യലും പൂർത്തിയായെന്നും ഇബ്രാഹിംകുഞ്ഞ് കോടതിയിൽ വ്യക്‌തമാക്കി.
2020 ഫെബ്രുവരിയിലാണ് പാലാരിവട്ടം പാലം അഴിമതിക്കേസിൽ വികെ ഇബ്രാഹിംകുഞ്ഞിന് പങ്കുണ്ടെന്ന് കണ്ടെത്തിയത്. തുടർന്ന് ബലക്ഷയം കണക്കിലെടുത്ത് പാലം പൊളിച്ചു മാറ്റാൻ സുപ്രീം കോടതി ഉത്തരവിടുകയും ചെയ്‌തിരുന്നു. ഉത്തരവിനെ തുടർന്ന് 2020 സെപ്റ്റംബർ 28ന് പൊളിച്ച പാലം, 2021 മാർച്ച് 7ന് പുതുക്കി പണിത ശേഷം ഗതാഗതത്തിനായി തുറന്നു നൽകുകയും ചെയ്‌തു.
Read also : കെഎസ്ആർടിസി പെൻഷൻ വിതരണം ചൊവ്വാഴ്‌ച മുതൽ; ഗതാഗതമന്ത്രി
