തിരുവനന്തപുരം: ഗ്രൂപ്പ് താൽപര്യങ്ങൾ തള്ളി വിഡി സതീശനെ പ്രതിപക്ഷ നേതാവായി തിരഞ്ഞെടുത്തതിൽ സന്തോഷം പ്രകടിപ്പിച്ച് കോൺഗ്രസ് നേതാവ് വിഎം സുധീരൻ. യാഥാർഥ്യം ഉള്ക്കൊണ്ട് കൊണ്ടുള്ള ഗുണപരമായ സമൂലമാറ്റത്തിന് നല്ല തുടക്കമാവട്ടെ എന്ന് പ്രത്യാശിക്കുന്നുവെന്ന് സുധീരൻ ഫേസ്ബുക്കിൽ കുറിച്ചു.
ദിവസങ്ങള് നീണ്ട ചര്ച്ചകള്ക്കൊടുവിലാണ് വിഡി സതീശനെ പ്രതിപക്ഷ നേതാവായി കോണ്ഗ്രസ് ഹൈക്കമാൻഡ് നിർദ്ദേശിച്ചത്. രമേശ് ചെന്നിത്തലക്കായി ഉമ്മന് ചാണ്ടി അടക്കമുള്ള മുതിര്ന്ന നേതാക്കള് ശക്തമായി രംഗത്ത് വന്നിരുന്നു. എന്നാല്, തലമുറമാറ്റം വരട്ടെ എന്ന നിലപാട് സ്വീകരിച്ച രാഹുല് ഗാന്ധി സതീശന് അനുകൂലമായാണ് തീരുമാനമെടുത്തത്.
മുസ്ലിം ലീഗ് അടക്കമുള്ള യുഡിഎഫ് ഘടകക്ഷികളും സതീശന് അനുകൂലമായ നിലപാടാണ് സ്വീകരിച്ചത്. നിയമസഭയില് കാര്യങ്ങള് പഠിച്ച് അവതരിപ്പിക്കുന്ന വിഡി സതീശന് മികച്ച നിയമസഭാ സാമാജികന് എന്ന പ്രതിച്ഛായയുള്ള നേതാവ് കൂടിയാണ്.
Also Read: സത്യപ്രതിജ്ഞാ മാതൃകയിൽ വിവാഹം നടത്തണം; അനുമതി തേടി യൂത്ത് കോൺഗ്രസ് നേതാവ്