ടെലികോം രംഗത്തെ ഭീമന്മാരായ വൊഡാഫോണ് ഐഡിയ ലിമിറ്റഡിന്റെ റീലോഞ്ച് ഇന്ന് നടന്നേക്കുമെന്ന് സൂചന. സാമ്പത്തികമാന്ദ്യത്തിലൂടെ കടന്ന് പോകുന്ന കമ്പനി, തന്ത്രപ്രധാനമായ പ്രഖ്യാപനങ്ങള് നടത്തുമെന്നാണ് റിപ്പോര്ട്ടുകള് സൂചിപ്പിക്കുന്നത്. സംയോജിത ബ്രാന്ഡ് ഐഡന്റിറ്റിയും അതുമായി ബന്ധപ്പെട്ട പരസ്യങ്ങളുമാകും പ്രധാനമായും പ്രഖ്യാപനത്തില് ഉള്പെടുത്തുക. ഇരു കമ്പനികളും ഒന്നിച്ചതിന് ശേഷവും, പരസ്യങ്ങള് വേറെവേറെയായാണ് ചെയ്തിരുന്നത്.
2017ലെ ലയനത്തിനുശേഷം കാര്യമായ ലാഭത്തിലായിരുന്നില്ല കമ്പനി. ഗുണനിലവാരം ഉറപ്പു വരുത്തി, പുതിയ വരിക്കാരെ ആകര്ഷിക്കുവാനും വരിക്കാരുടെ കൊഴിഞ്ഞുപോക്ക് തടയാനുമാകും പുതിയ പ്രഖ്യാപനങ്ങളിലൂടെ കമ്പനി ശ്രമിക്കുക. പുതിയ പ്രഖ്യാപനങ്ങളുമായി ബന്ധപ്പെട്ട് വീഡിയോ കോണ്ഫറന്സ് വഴി,വൊഡാഫോണ്-ഐഡിയയുടെ മേധാവികള് ഇന്ന് 11 മണിക്ക് ശേഷം മാദ്ധ്യമങ്ങളെ കാണുമെന്നാണ് പ്രതീക്ഷിക്കുന്നത്.