തിരുവനന്തപുരം: വോട്ടര്‍ പട്ടികയിലെ ക്രമക്കേടില്‍ മുഖ്യ തിരഞ്ഞെടുപ്പ് ഓഫീസര്‍ക്ക് പരാതി നല്‍കി ബിജെപി. ഇരട്ട വോട്ടുകള്‍ പട്ടികയില്‍ നിന്ന് നീക്കം ചെയ്യണമെന്നാണ് ബിജെപിയുടെ ആവശ്യം. പികെ കൃഷ്‌ണ ദാസ്, വിവി രാജേഷ് എന്നിവര്‍ മുഖ്യ തിരഞ്ഞെടുപ്പ് ഓഫീസറെ നേരില്‍ കണ്ടാണ് പരാതി നല്‍കിയത്.
ഇരട്ട വോട്ട് തടയുമെന്ന് മുഖ്യ തിരഞ്ഞെടുപ്പ് ഓഫീസര്‍ ഉറപ്പ് നല്‍കിയതായി ബിജെപി നേതാക്കള്‍ പറഞ്ഞു. യുഡിഎഫും എല്‍ഡിഎഫും കാലങ്ങളായി കള്ളവോട്ട് ചെയ്യുന്നു. ബിജെപിക്ക് സാധ്യതയുള്ള മണ്ഡലങ്ങളില്‍ ഇരട്ട വോട്ടുകള്‍ ഉണ്ടെന്നും ബിജെപി നേതാക്കള്‍ പറഞ്ഞു.
അതേസമയം ഇരട്ട വോട്ടില്‍ കര്‍ശന നടപടിയുമായി തിരുവനന്തപുരം ജില്ലാ കലക്‌ടർ രംഗത്തെത്തി. ഇരട്ടിപ്പുളള വോട്ടര്‍മാരുടെ പട്ടിക ഉടന്‍ തയാറാക്കി റിപ്പോര്‍ട് സമര്‍പ്പിക്കണമെന്ന് കലക്‌ടർ തഹസില്‍ദാര്‍മാര്‍ക്ക് നിര്‍ദേശം നല്‍കി. മാര്‍ച്ച് 30നകം വിശദ റിപ്പോര്‍ട് സമര്‍പ്പിക്കാനാണ് നിര്‍ദേശം.
Also Read: പൗരത്വ ഭേദഗതി ബില്ലിനെതിരെ ഇടതുപക്ഷവും സർക്കാരും മാത്രമാണ് പ്രതികരിച്ചത്; യെച്ചൂരി
