കാസർഗോഡ് : നിയമസഭാ തിരഞ്ഞെടുപ്പിനുള്ള വോട്ടിംഗ് സാമഗ്രികളുടെ വിതരണം ജില്ലയിലെ 5 കേന്ദ്രങ്ങളിൽ നാളെ രാവിലെ 8 മണി മുതൽ ആരംഭിക്കും. കുമ്പള ഗവൺമെന്റ് ഹയർസെക്കൻഡറി സ്‌കൂൾ(മഞ്ചേശ്വരം), കാസർകോട് ഗവൺമെന്റ് കോളജ്(കാസർകോട്), പെരിയ ഗവൺമെന്റ് പോളിടെക്നിക് കോളജ്(ഉദുമ), കാഞ്ഞങ്ങാട് നെഹ്റു കോളജ്(കാഞ്ഞങ്ങാട്), തൃക്കരിപ്പൂർ പോളിടെക്നിക് കോളജ്(തൃക്കരിപ്പൂർ) എന്നീ 5 കേന്ദ്രങ്ങളിലാണ് വിതരണം നടക്കുക.
ആൾക്കൂട്ടം ഒഴിവാക്കുന്നതിന്റെ ഭാഗമായി മൂന്ന് ഘട്ടങ്ങളിലായാണ് നാളെ പോളിംഗ് സാമഗ്രികൾ വിതരണം ചെയ്യുന്നത്. രാവിലെ 8 മുതൽ 9.30 വരെ, 9.30 മുതൽ 11 വരെ, 11 മുതൽ 12.30 വരെ എന്നിങ്ങനെയാണ് സമയം ക്രമീകരിച്ചിട്ടുള്ളത്. പ്രിസൈഡിങ് ഓഫീസർ, ഫസ്‌റ്റ് പോളിംഗ് ഓഫീസർ എന്നിവർ മാത്രമേ വിതരണ കൗണ്ടറിൽ പ്രവേശിക്കേണ്ടതുള്ളൂ. മറ്റു പോളിംഗ് ഉദ്യോഗസ്‌ഥർ അനുവദിച്ച വാഹനത്തിൽ ഇരിക്കണം.
Read also : തിരുവനന്തപുരത്ത് അപ്പാർട്ട്മെന്റിൽ യുവാവ് കുത്തേറ്റ് മരിച്ച നിലയിൽ
