ഇടുക്കി: നീരൊഴുക്ക് കുറയാത്തതിനെ തുടർന്ന് ഇടുക്കി അണക്കെട്ടിലെ ജലനിരപ്പ് ഉയരുന്നു. നിലവിൽ 2,399.50 അടി ജലമാണ് ഇടുക്കി അണക്കെട്ടിലുള്ളത്. വൃഷ്ടി പ്രദേശങ്ങളിൽ പെയ്ത മഴയെ തുടർന്ന് നീരൊഴുക്ക് വർധിച്ചതും, മുല്ലപ്പെരിയാർ അണക്കെട്ടിൽ നിന്ന് വെള്ളം ഒഴുകി എത്തിയതുമാണ് ഇപ്പോൾ ജലനിരപ്പ് ഉയരാൻ കാരണമായത്.
ഇടുക്കി അണക്കെട്ടിലെ ജലനിരപ്പ് ക്രമീകരിക്കുന്നതിനായി ഒരു ഷട്ടർ ഉയർത്തി 40,000 ലിറ്റർ ജലം പുറത്തേക്ക് ഒഴുകുന്നുണ്ട്. കൂടാതെ മുല്ലപ്പെരിയാർ അണക്കെട്ടിലെ തുറന്ന രണ്ട് ഷട്ടറുകൾ അടക്കുകയും ചെയ്തിട്ടുണ്ട്. 140.85 അടിയായി മുല്ലപ്പെരിയാറിലെ ജലനിരപ്പ് താഴ്ന്നതിനെ തുടർന്നാണ് ഷട്ടറുകൾ അടച്ചത്. 752 ഘനയടി ജലമാണ് സെക്കന്റിൽ ഇടുക്കിയിലേക്ക് ഒഴുകുന്നത്.
Read also: മോഡലുകളുടെ അപകടമരണം; ലഹരി ഇടപാടുകൾ ഉൾപ്പടെ അന്വേഷിക്കണമെന്ന് പോലീസ്