ലഖ്നൗ: ഗംഗയിലെയും യമുനയിലെയും ജലനിരപ്പ് അപകടകരമായ നിലയിലേക്ക് ഉയര്ന്നേക്കുമെന്ന് യുപി സര്ക്കാരിന്റെ മുന്നറിയിപ്പ്. ബന്ധപ്പെട്ട വകുപ്പുകൾ ജാഗ്രത പാലിക്കണമെന്നും ആവശ്യമായ തയ്യാറെടുപ്പുകള് നടത്തണമെന്നും സർക്കാർ നിര്ദ്ദേശം നല്കി. താഴ്ന്ന പ്രദേശങ്ങളിൽ താമസിക്കുന്നവർ സുരക്ഷിത താവളങ്ങളിലേക്ക് നീങ്ങാന് തുടങ്ങിയിട്ടുണ്ട്.
ഗംഗ നഗര്, നെവാദ, അശോക് നഗര്, ബെലിഗവോണ്, രാജാപൂര്, ബാദ, ഛോദ്ദാ ബഘാര, ബദ്ര തുടങ്ങിയ പ്രദേശങ്ങളില് വലിയ തോതിലാണ് വെള്ളക്കെട്ട് രൂപപ്പെടുന്നത്. വാരണാസിയിലും ജല നിരപ്പ് ഉയര്ന്നിട്ടുണ്ട്. ഗംഗയിലെ മുന്നറിയിപ്പ് പരിധിയായി കണക്കാക്കുന്നത് 70.26 മീറ്ററാണ്. നിലവിൽ ഈ അളവ് പിന്നിട്ടു കഴിഞ്ഞു.
Read also: കണ്ടെയ്നർ കോട്ട നിർമിച്ച് ഡെൽഹി പോലീസ്; ചെങ്കോട്ടയിൽ കർശന സുരക്ഷ