മാനന്തവാടി: വയനാട് മെഡിക്കൽ കോളേജ് ഇന്ന് വിദഗ്‌ധ സംഘം സന്ദർശിക്കും. മെഡിക്കൽ കോളേജിന്റെ പ്രവർത്തനങ്ങൾ വിലയിരുത്താനും വേഗത്തിലാക്കാനുള്ള നിദ്ദേശങ്ങൾ നൽകാനുമാണ് സംഘം എത്തുന്നത്. മെഡിക്കൽ വിദ്യാഭ്യാസ വകുപ്പാണ് വിദഗ്‌ധ സംഘത്തെ നിയോഗിച്ചത്.
കോഴിക്കോട് മെഡിക്കൽ കോളേജിലെ അനാട്ടമി വിഭാഗം അഡീഷണൽ പ്രൊഫ. ഡോ. ജെസി റോസ് ജോർജ്, സൈക്കോളജി വിഭാഗം അഡീഷണൽ പ്രൊഫ. ഡോ. ജൗഹറ, ബയോകെമിസ്ട്രി ചുമതലയുള്ള പ്രൊഫ. ഡോ. കെ മുഹമ്മദ് അഷ്‌റഫ്, കമ്യൂണിറ്റി മെഡിസിൻ വിഭാഗം ചുമതലയുള്ള ഡോ. ബിൻസു വിജയൻ, സീനിയർ ക്ളർക്ക് പി അഭിലാഷ് എന്നിവരുടെ നേതൃത്വത്തിലുള്ള സംഘമാണ് മാനന്തവാടി ജില്ലാ ആശുപത്രിയിൽ പരിശോധന നടത്തുക.
Read Also: ചെറൂപ്പ ആശുപത്രിയിൽ 800 ഡോസ് കോവിഷീൽഡ്‌ വാക്‌സിൻ ഉപയോഗ ശൂന്യമായി
