വൈത്തിരി: വയനാട് വൈത്തിരി വെറ്ററിനറി കോളേജ് ഗേറ്റിന് സമീപം ടൂറിസ്റ്റ് ബസ് മറിഞ്ഞ് 15 പേർക്ക് പരിക്ക്. കർണാടകയിലെ കുശാൽ നഗറിൽ നിന്ന് ഗുരുവായൂരിലേക്ക് പോവുകയായിരുന്ന ബസാണ് അപകടത്തിൽപ്പെട്ടത്. ഇന്ന് പുലർച്ചെ മൂന്നരയോടെയാണ് അപകടം.
പരിക്കേറ്റവരിൽ വിദ്യാർഥികളും ബസ് ഡ്രൈവറും സ്കൂൾ ജീവനക്കാരും ഉൾപ്പെടും. ഇവരെ വൈത്തിരി താലൂക്ക് ആശുപത്രി, മേപ്പാടി സ്വകാര്യ മെഡിക്കൽ കോളേജ് എന്നിവിടങ്ങളിൽ പ്രവേശിപ്പിച്ചു. ആരുടേയും പരിക്ക് ഗുരുതരമല്ലെന്നാണ് വിവരം. 47 വിദ്യാർഥികളും ഒമ്പത് അധ്യാപകരും ബസിൽ ഉണ്ടായിരുന്നു. അഗ്നിരക്ഷാസേനയും നാട്ടുകാരും ചേർന്നാണ് രക്ഷാപ്രവർത്തനം നടത്തിയത്.
അതിനിടെ, കായംകുളം പുനലൂർ സംസ്ഥാന പാതയിൽ മൂന്നാംകുറ്റിക്ക് സമീപം കെഎസ്ആർടിസി ബസിന് പിന്നിൽ സ്വകാര്യ ബസിടിച്ചു വിദ്യാർഥികൾ ഉൾപ്പടെ പത്തുപേർക്ക് പരിക്കേറ്റു. ഇവരെ കായംകുളം താലൂക്ക് ആശുപത്രിയിൽ പ്രവേശിപ്പിച്ചു. ആരുടെയും പരിക്ക് ഗുരുതരമല്ലെന്നാണ് വിവരം.
Most Read| യുദ്ധഭീതി ഒഴിയുന്നു; ഇസ്രയേൽ-ലബനൻ വെടിനിർത്തലിന് ധാരണ- പ്രഖ്യാപിച്ച് ബൈഡൻ
