കോഴിക്കോട്: ജൂലൈ ആറിന് വ്യാപാരി വ്യവസായി ഏകോപന സമിതി പ്രഖ്യാപിച്ച കടയടപ്പ് സമരത്തില്‍ പങ്കെടുക്കില്ലെന്ന് വ്യാപാരി വ്യവസായി സമിതി. കോവിഡ് പ്രതിരോധ നിയന്ത്രണങ്ങളോട് സഹകരിക്കുന്ന വ്യാപാരി സമൂഹത്തെ സര്‍ക്കാരിനെതിരെ തിരിക്കാനാണ് ഏകോപന സമിതി ലക്ഷ്യമിടുന്നത്. സ്‌ഥാപനങ്ങൾ അടപ്പിക്കലല്ല തുറപ്പിക്കലാണ് വേണ്ടതെന്ന് ഭാരവാഹികൾ പറഞ്ഞു.
ടെസ്റ്റ് പോസിറ്റിവിറ്റി നിരക്കിന്റെ പുതിയ മാനദണ്ഡങ്ങളില്‍ ഇളവ് നല്‍കി എല്ലാ കടകളും തുറക്കാനുള്ള അനുമതിക്കായി വ്യാപാരി വ്യവസായി സമിതി ശക്‌തമായ ഇടപെടൽ നടത്തിയിട്ടുണ്ട് എന്നും വ്യാപാരി വ്യവസായി സമിതി ജില്ലാ പ്രസിഡണ്ട് സൂര്യ അബ്‌ദുൽ ഗഫൂറും സെക്രട്ടറി ടി മരക്കാരും വാർത്താ കുറിപ്പിൽ പറഞ്ഞു.
സുരക്ഷാ മാനദണ്ഡങ്ങൾ പാലിച്ചുകൊണ്ട് എല്ലാ കടകളും തുറന്നു പ്രവർത്തിക്കാൻ അനുവദിക്കണം എന്ന ആവശ്യമുന്നയിച്ചാണ് വ്യാപാരി വ്യവസായി ഏകോപന സമിതി കടകൾ അടച്ചു പ്രതിഷേധിക്കുന്നത്. ആവശ്യം അംഗീകരിച്ചില്ലെങ്കിൽ അടുത്ത വ്യാഴാഴ്‌ച മുതൽ അനിശ്‌ചിതകാല സമരം ആരംഭിക്കാനാണ് തീരുമാനം. ചൊവ്വാഴ്‌ച കടകൾ അടച്ച് പ്രതിഷേധിക്കുന്നതിന് പുറമെ സെക്രട്ടേറിയേറ്റിന് മുൻപിൽ നിരാഹാര സമരം സംഘടിപ്പിക്കാനും തീരുമാനമുണ്ട്.
Read also: തിരുവമ്പാടിയിൽ വീണ്ടും മദ്യവേട്ട; ആർആർടി വോളണ്ടിയർ ഉൾപ്പടെ രണ്ട് പേർ പിടിയിൽ
