തിരുവനന്തപുരം: വനിതാ ഡോക്‌ടർക്കും ജീവനക്കാർക്കും മർദ്ദനം. തിരുവനന്തപുരം ഫോര്‍ട്ട് താലൂക്ക് ആശുപത്രിയിലെ വനിതാ ഡോക്‌ടർക്കും ജീവനക്കാര്‍ക്കുമാണ് മർദ്ദനമേറ്റത്. ചികില്‍സ തേടിയെത്തിയ രണ്ട് പേരാണ് ഡോക്‌ടറെയും സുരക്ഷാ ജീവനക്കാരെയും കയ്യേറ്റം ചെയ്‌തത്‌.
ഇന്നലെ രാത്രി പന്ത്രണ്ടരയോടെ ആയിരുന്നു സംഭവം. ആക്രമണത്തില്‍ പരിക്കേറ്റ ഡോക്‌ടർ ജനറല്‍ ആശുപത്രിയല്‍ ചികില്‍സ തേടി. സംഭവത്തില്‍ ആശുപത്രിയിലെ മറ്റ് ഡോക്‌ടർമാര്‍ ഒപി ബഹിഷ്‌കരിച്ച് പ്രതിഷേധിക്കുകയാണ്.
അതിനിടെ ഡോക്‌ടറെ മർദ്ദിച്ച സംഭവത്തില്‍ ഒരാളെ പോലീസ് കസ്‌റ്റഡിയില്‍ എടുത്തെന്നാണ് വിവരം. കരിമട സ്വദേശി റഷീദ് ആണ് കസ്‌റ്റഡിയിലുള്ളത് എന്നാണ് റിപ്പോർട്.
Most Read: പെട്ടിമുടി ദുരന്തത്തിന് ഇന്ന് ഒരാണ്ട്; ധനസഹായം വേഗത്തിലാക്കുമെന്ന് മന്ത്രി
