മലപ്പുറം: വനിതകളുടെ വിദ്യാഭ്യാസ പുരോഗതി ലക്ഷ്യമിട്ട് മഅ്ദിന് അക്കാദമിയുടെ അഞ്ചാമത് സംരംഭമായ ‘ഹിയ’ ലോഞ്ചിംഗ് നാളെ (വെള്ളി) വൈകുന്നേരം 6ന് ഇന്ത്യൻ ഗ്രാൻഡ് മുഫ്തി കാന്തപുരം എപി അബൂബക്കര് മുസ്ലിയാര് മഅ്ദിന് കാമ്പസില് നിർവഹിക്കും. മഅ്ദിന് ചെയര്മാന് സയ്യിദ് ഇബ്റാഹീമുല് ഖലീല് അല് ബുഖാരി അദ്ധ്യക്ഷത വഹിക്കും.
40 ദിവസമായി മഅ്ദിന് അക്കാദമിയുടെ നേതൃത്വത്തില് നടന്ന് വരുന്ന റബീഅ് ക്യാംപയിൻ സമാപന സമ്മേളനം ‘ജല്സതുല് ഖിതാം’ കാന്തപുരം ഉൽഘാടനം ചെയ്യും. ലോക പ്രശസ്ത പണ്ഡിതന് ശൈഖ് സയ്യിദ് അഫീഫുദ്ധീന് ജീലാനി വീഡിയോ കോണ്ഫറന്സ് വഴി ചടങ്ങിൽ പങ്കെടുക്കും. മന്ഖൂസ് മൗലിദ്, മുഹ്യിദ്ധീന് മൗലിദ്, മുഹ്യിദ്ധീന് മാല, അശ്റഖ പാരായണം, സവിശേഷ പ്രാർഥന എന്നിവ പരിപാടിയുടെ ഭാഗമായി നടക്കും. പരിപാടികള് വീക്ഷിക്കുന്നതിന് Youtube.com/MadinAcademy
സമാപന സമ്മേളനത്തില് സയ്യിദ് ശിഹാബുദ്ധീന് ബുഖാരി, സയ്യിദ് മുഹമ്മദ് ഫാറൂഖ് ജമലുല്ലൈലി, സയ്യിദ് മുഹമ്മദ് സ്വാലിഹ് ഖാസിം അല് ഹൈദ്രൂസി, സമസ്ത ജില്ലാ സെക്രട്ടറി ഇബ്റാഹീം ബാഖവി മേല്മുറി, കേരള മുസ്ലിം ജമാഅത്ത് ജില്ലാ ജനറല് സെക്രട്ടറി പിഎം മുസ്തഫ കോഡൂര്, അബ്ദുൽ ജലീല് സഖാഫി കടലുണ്ടി, അബൂബക്കര് സഖാഫി കുട്ടശ്ശേരി, സുലൈമാന് ഫൈസി കിഴിശ്ശേരി, അബൂബക്കര് സഖാഫി അരീക്കോട് എന്നിവരും സംബന്ധിക്കും.