പാലക്കാട്: പാലക്കയം മരംകൊള്ളയിൽ കൂടുതൽ നടപടിയുമായി വനം വകുപ്പ്. വനഭൂമി കൈവശപ്പെടുത്തിയ കോട്ടോപാടം സ്വദേശി തൈക്കാട്ടിൽ മൂസക്ക് നോട്ടീസ് നൽകും. മൂസയുടെ കൈവശമുള്ള രേഖകൾ ഹാജരാക്കാൻ രണ്ടാഴ്ച സമയം അനുവദിക്കും. രേഖകൾ വ്യാജമാണോ എന്നതുൾപ്പടെയുള്ള കാര്യങ്ങൾ വനം വകുപ്പ് പരിശോധിക്കും.
മരംമുറിച്ചത് വനഭൂമിയിൽ നിന്ന് തന്നെയെന്നാണ് വനം വകുപ്പിന്റെ രേഖകൾ വ്യക്തമാക്കുന്നത്. എന്നാൽ തന്റെ ഭൂമിയിലെ മരങ്ങളാണ് മുറിച്ചതെന്നാണ് മൂസയുടെ വാദം. 53 മരങ്ങളാണ് മൂസ പാലക്കയം വില്ലേജിലെ വന ഭൂമിയിൽ നിന്ന് മുറിച്ചത്. വീട്ടി, വാഗ, ആഞ്ഞിലി, ചടച്ചി തുടങ്ങിയ മരങ്ങളാണ് മുറിച്ചിട്ടിരിക്കുന്നത്.
Also Read: കുളത്തൂപ്പുഴയിൽ 9 വയസുകാരന് ക്രൂരമർദ്ദനം; പിതാവിനെതിരെ പരാതി