മാഡ്രിഡ്: ലോക ബാഡ്‌മിന്റണ്‍ ചാമ്പ്യന്‍ഷിപ്പില്‍ ഇന്ത്യയുടെ കിഡംബി ശ്രീകാന്തിന് വെള്ളി മെഡല്‍. ഫൈനലില്‍ സിംഗപൂരിന്റെ ലോ കീന്‍ യൂവിനോട് നേരിട്ടുള്ള സെറ്റുകള്‍ക്ക് തോല്‍വി വഴങ്ങിയതോടെയാണ് ശ്രീകാന്തിന്റെ നേട്ടം വെള്ളി മെഡലിലൊതുങ്ങിയത്. കഴിഞ്ഞ ദിവസം നടന്ന സെമി ഫൈനലിൽ ഇന്ത്യയുടെ തന്നെ ലക്ഷ്യ സെന്നിനെ മാറിടന്നാണ് ശ്രീകാന്ത് ഫൈനലിൽ പ്രവേശിച്ചത്.
ഇതാദ്യമായാണ് ഒരു ഇന്ത്യന്‍ പുരുഷ താരം ലോക ചാമ്പ്യന്‍ഷിപ്പില്‍ വെള്ളി മെഡല്‍ നേടുന്നത്. ഇതിന് മുൻപ് മൂന്ന് പുരുഷ താരങ്ങള്‍ ചാമ്പ്യൻഷിപ്പിൽ ഇന്ത്യക്ക് വേണ്ടി വെങ്കലം നേടിയിട്ടുണ്ട്. പ്രകാശ് പദുക്കോണ്‍, ബി സായ് പ്രണീത്, ലക്ഷ്യസെന്‍ എന്നിവരാണ് രാജ്യത്തിന്റെ വെങ്കലമെഡല്‍ നേട്ടക്കാര്‍. ഇതിൽ ലക്ഷ്യ സെൻ ഈ വർഷത്തെ ചാമ്പ്യൻഷിപ്പിലാണ് നേട്ടം കൈവരിച്ചത്.
Read Also: എംപിമാരുടെ സസ്‌പെൻഷൻ; അഞ്ചു പാർട്ടികളെ ചർച്ചയ്‌ക്ക്‌ വിളിച്ച് കേന്ദ്രസർക്കാർ
