ന്യൂയോര്‍ക്ക്: വേള്‍ഡോമീറ്ററിന്റെ കണക്കുപ്രകാരം 24 മണിക്കൂറിനിടെ ലോകത്താകമാനം റിപ്പോർട് ചെയ്യപ്പെട്ടത് നാല് ലക്ഷത്തിലധികം പുതിയ കേസുകൾ. മരണസംഖ്യ 25.70 ലക്ഷം പിന്നിട്ടപ്പോൾ ഇതുവരെയായി രോഗമുക്‌തി നേടിയത് 9.14 കോടി പേരാണ്.
അമേരിക്കയാണ് രോഗബാധിതരുടെ എണ്ണത്തിലും മരണത്തിലും ലോകത്ത് ഒന്നാം സ്‌ഥാനത്തുള്ളത്. അരലക്ഷത്തിലധികം പുതിയ കേസുകള്‍ റിപ്പോര്‍ട് ചെയ്യപ്പെട്ട ഇവിടെ 2.94 കോടി പേര്‍ക്കാണ് ഇതുവരെ വൈറസ് ബാധ സ്ഥിരീകരിച്ചത്. 5.31 ലക്ഷം പേര്‍ മരണപ്പെടുകയും രണ്ട് കോടിയിലധികം പേർ രോഗമുക്‌തി നേടുകയും ചെയ്‌തു.
ഇന്ത്യയിലാകട്ടെ നിലവിൽ ചികിൽസയിൽ കഴിയുന്നവരുടെ എണ്ണം 1.70 ലക്ഷമാണ്. 1.11 കോടിപേർക്കാണ് രാജ്യത്ത് ഇതുവരെ രോഗബാധ സ്ഥിരീകരിച്ചത്. മരണ സംഖ്യ 1.57 ലക്ഷമാണ്.
രോഗബാധിതരുടെ എണ്ണത്തില്‍ മൂന്നാമതുള്ള ബ്രസീലിലും സ്‌ഥിതി വ്യത്യസ്‌തമല്ല. 1.07 കോടി പേർക്കാണ് ഇവിടെ ഇതുവരെയായി കോവിഡ് സ്ഥിരീകരിച്ചത്.
അതേസമയം റഷ്യയിൽ 42 ലക്ഷം പേർക്കും ബ്രിട്ടനിൽ 41 ലക്ഷം പേർക്കും ഇതുവരെ കോവിഡ് സ്‌ഥിരീകരിച്ചിട്ടുണ്ട്. ഫ്രാന്‍സിലും സ്‌പെയിനിലും രോഗവ്യാപനം രൂക്ഷമായി തുടരുകയാണ്. ഫ്രാൻസിൽ 38 ലക്ഷം പേർക്കും സ്‌പെയിനിൽ 31 ലക്ഷം പേർക്കുമാണ് ഇതുവരെ കോവിഡ് റിപ്പോർട് ചെയ്യപ്പെട്ടത്.
Read Also: സ്വീഡനിൽ കത്തിയാക്രമണം; 8 പേർക്ക് പരിക്ക്, ഭീകരാക്രമണമെന്ന് സംശയം
