ന്യൂയോര്ക്ക്: നാല് ലക്ഷത്തിലധികം പേര്ക്ക് കഴിഞ്ഞ ദിവസം വൈറസ് ബാധ സ്ഥിരീകരിച്ചതോടെ ലോകത്തെ കോവിഡ് ബാധിതരുടെ എണ്ണം 11.62 കോടി കടന്നു. 9.18 കോടി പേര് ഇതുവരെ രോഗമുക്തി നേടി. ലോകത്താകമാനം കോവിഡ് ബാധിച്ചു മരണപ്പെട്ടവരുടെ എണ്ണം 25.80 ലക്ഷമാണ്.
രോഗബാധിതരുടെ എണ്ണത്തില് മുന്നിലുള്ള അമേരിക്കയില് 2.95 കോടി പേര്ക്കാണ് ഇതുവരെ കോവിഡ് സ്ഥിരീകരിച്ചത്. 5.33 ലക്ഷം പേര് മരണപ്പെടുകയും ചെയ്തു.
1.11 കോടി കോവിഡ് കേസുകൾ റിപ്പോർട് ചെയ്ത ഇന്ത്യയാണ് രോഗികളുടെ എണ്ണത്തിൽ അമേരിക്കക്ക് തൊട്ടുപിറകിലുള്ളത്. നിലവില് 1.73 ലക്ഷം സജീവ കേസുകളുള്ള രാജ്യത്ത് 1.08 കോടി പേരാണ് ഇതുവരെ രോഗമുക്തി നേടിയത്. 1.57 ലക്ഷം പേർക്ക് ജീവൻ നഷ്ടമാവുകയും ചെയ്തിട്ടുണ്ട്. വാക്സിനേഷന് പുരോഗമിക്കുന്ന ഇന്ത്യയിൽ ഇതുവരെ കുത്തിവെപ്പെടുത്തത് ഒന്നരക്കോടിയിലേറെ ആളുകളാണ്.
ബ്രസീലാണ് രോഗികളുടെ എണ്ണത്തില് മൂന്നാം സ്ഥാനത്തുള്ള രാജ്യം. ഒരു കോടിയിലേറെ ആളുകൾക്ക് ഇതുവരെ കോവിഡ് സ്ഥിരീകരിച്ച രാജ്യത്ത് 2.61 ലക്ഷം പേരാണ് വൈറസ് ബാധ മൂലം മരണപ്പെട്ടത്.