ന്യൂയോര്‍ക്ക്: ലോകത്ത് കോവിഡ് ബാധിതരുടെ എണ്ണം കുതിക്കുന്നു. ലോകത്താകമാനം ഇതുവരെ വൈറസ്ബാധ റിപ്പോർട് ചെയ്യപ്പെട്ടത് 12.77 കോടിയിലേറെ പേർക്ക്. നാലര ലക്ഷത്തിലധികം പുതിയ കേസുകളാണ് കഴിഞ്ഞ ദിവസം മാത്രം റിപ്പോര്‍ട് ചെയ്‌തത്. നിലവില്‍ രണ്ട് കോടിയിലധികം ആളുകളാണ് ലോകത്തിന്റെ വിവിധ ഭാഗങ്ങളിലായി ചികിൽസയിലുള്ളത്. മരണസംഖ്യ 27.95 ലക്ഷം കടന്നു.
രോഗികളുടെ എണ്ണത്തില്‍ ആദ്യ മൂന്ന് സ്‌ഥാനങ്ങളിലുള്ളത് അമേരിക്ക, ബ്രസീല്‍, ഇന്ത്യ എന്നീ രാജ്യങ്ങളാണ്.
40,000ത്തിൽ അധികം പുതിയ കേസുകള്‍ റിപ്പോര്‍ട് ചെയ്യപ്പെട്ട യുഎസില്‍ 3.9 കോടി രോഗബാധിതരാണ് ഉള്ളത്. മരണസംഖ്യ 5.62 ലക്ഷമായി ഉയര്‍ന്നു.
ബ്രസീലിലാകട്ടെ ഇതുവരെ കോവിഡ് സ്ഥിരീകരിച്ചത് 1.25 കോടി ആളുകൾക്കാണ്. കഴിഞ്ഞ ദിവസം മാത്രം രാജ്യത്ത് 40,000ത്തിൽ അധികം പേര്‍ക്കാണ് രോഗം സ്ഥിരീകരിച്ചത്. കഴിഞ്ഞ ദിവസം 1500 കോവിഡ് മരണം കൂടി റിപ്പോർട് ചെയ്‌തതോടെ രാജ്യത്ത് ഇതുവരെ മരണപ്പെട്ടവരുടെ എണ്ണം 3.12 ലക്ഷമായി ഉയര്‍ന്നു.
60,000 ത്തിലധികം പുതിയ കേസുകൾ റിപ്പോർട് ചെയ്‌ത ഇന്ത്യയില്‍ ഇതുവരെ രോഗബാധ സ്ഥിരീകരിച്ചത് 1,19,71,624 പേർക്കാണ്. നിലവില്‍ 4.86 ലക്ഷം പേരാണ് രാജ്യത്ത് ചികിൽസയിലുള്ളത്.
45 ലക്ഷം വീതം രോഗബാധിതരുള്ള ഫ്രാന്‍സും ബ്രിട്ടനുമാണ് രോഗികളുടെ എണ്ണത്തില്‍ ഇന്ത്യക്ക് തൊട്ടുപിന്നിലുള്ളത്.
Read Also: അസമിൽ വിമതരായി മൽസരിക്കുന്ന നേതാക്കൾക്കെതിരെ കടുത്ത നടപടിയുമായി ബിജെപി
