ന്യൂയോര്ക്ക്: ലോകത്ത് കോവിഡ് വ്യാപനം രൂക്ഷമായി തുടരുന്നു. ലോകത്തെ ആകെ രോഗബാധിതരുടെ എണ്ണം 13.13 കോടി പിന്നിട്ടു. വേള്ഡോമീറ്ററിന്റെ കണക്കുപ്രകാരം കഴിഞ്ഞ ദിവസം റിപ്പോര്ട് ചെയ്തത് 5 ലക്ഷത്തിലധികം പുതിയ കേസുകളാണ്. 28.58 ലക്ഷം പേര് ഇതുവരെ മരണപ്പെടുകയും ചെയ്തു..
അമേരിക്കയിലാണ് ലോകത്ത് ഏറ്റവും കൂടുതല് രോഗികളും മരണങ്ങളും റിപ്പോര്ട്ട് ചെയ്യപ്പെട്ടിട്ടുള്ളത്. യുഎസിലെ ആകെ രോഗബാധിതരുടെ എണ്ണം 3.13 കോടിയാണ്. അരലക്ഷത്തിലധികം പുതിയ കേസുകള് റിപ്പോര്ട്ട് ചെയ്ത രാജ്യത്ത് മരണസംഖ്യ 5.68 ലക്ഷമായി ഉയര്ന്നു.
ബ്രസീലാണ് വൈറസ് ബാധിതരുടെ എണ്ണത്തില് അമേരിക്കക്ക് തൊട്ടുപിന്നില്. 24 മണിക്കൂറിനിടെ 40,000ത്തിൽ അധികം പുതിയ കേസുകൾ റിപ്പോർട് ചെയ്ത രാജ്യത്ത് ഇതുവരെ രോഗബാധ സ്ഥിരീകരിച്ചത് 1.29 കോടി പേർക്കാണ്. 3.30 ലക്ഷം പേര്ക്കാണ് രാജ്യത്ത് ഇതുവരെ കോവിഡ് മൂലം ജീവൻ നഷ്ടമായത്.
അതേസമയം പ്രതിദിന രോഗികളുടെ എണ്ണത്തില് ഇന്ത്യയാണ് ഇപ്പോള് ലോകത്ത് ഒന്നാം സ്ഥാനത്ത്. ആകെ രോഗബാധിതരുടെ എണ്ണത്തില് മൂന്നാം സ്ഥാനത്തുള്ള ഇന്ത്യയിൽ കഴിഞ്ഞ ദിവസം 89,000ത്തിൽ അധികം പുതിയ കേസുകളാണ് റിപ്പോർട് ചെയ്തത്.
ഫ്രാന്സ്(47ലക്ഷം രോഗബാധിതര്), റഷ്യ(45 ലക്ഷം രോഗബാധിതര്)എന്നീ രാജ്യങ്ങളിലും രോഗവ്യാപനം രൂക്ഷമായി തുടരുകയാണ്.
Read Also: കോവിഡ് രൂക്ഷം; ബംഗ്ളാദേശില് ഏഴു ദിവസം ലോക്ക്ഡൗണ്