ന്യൂയോര്‍ക്ക്: ലോകത്ത് 16 കോടി കടന്ന് കോവിഡ് ബാധിതരുടെ എണ്ണം. ഇതുവരെ ലോകത്താകമാനം കോവിഡ് സ്ഥിരീകരിച്ചത് 16,03,16986 ആളുകൾക്കാണ്. കോവിഡ് മരണങ്ങളും ഉയരുകയാണ്. ലോകത്ത് കോവിഡ് ബാധിച്ച്‌ മരിച്ചവരുടെ എണ്ണം 33 ലക്ഷം പിന്നിട്ടു. അതേസമയം 13 കോടിയിലധികം പേർ രോഗമുക്‌തിയും നേടി.
ലോകത്ത് ഏറ്റവുമധികം കോവിഡ് കേസുകൾ റിപ്പോർട് ചെയ്യപ്പെട്ടത് അമേരിക്കയിലാണ്. 3.35 കോടി പേര്‍ക്കാണ് കോവിഡ് സ്ഥിരീകരിച്ചത്. ലോകത്ത് ഏറ്റവും കൂടുതല്‍ കോവിഡ് മരണങ്ങള്‍ റിപ്പോര്‍ട് ചെയ്‌തതും യുഎസില്‍ തന്നെയാണ്. ഇതുവരെ 5.96 ലക്ഷം ആളുകൾക്കാണ് രാജ്യത്ത് കോവിഡ് മൂലം ജീവൻ നഷ്‌ടമായത്‌.
രോഗബാധിതരുടെ എണ്ണത്തില്‍ ഇന്ത്യയാണ് രണ്ടാം സ്‌ഥാനത്ത്. രാജ്യത്ത് കഴിഞ്ഞ ദിവസം 3,29,942 പേർക്ക് കൂടിയാണ് കോവിഡ് സ്ഥിരീകരിച്ചത്. 3,876 മരണങ്ങളും റിപ്പോർട് ചെയ്യപ്പെട്ടു.
ബ്രസീലിലും മരണസംഖ്യ കുത്തനെ ഉയരുകയാണ്. 4.25 ലക്ഷം പേരാണ് വൈറസ് ബാധ മൂലം മരണമടഞ്ഞത്. രാജ്യത്ത് രോഗവ്യാപനം രൂക്ഷമായി തുടരുകയാണ്. ഇതുവരെ 1.52 കോടി പേര്‍ക്കാണ് കോവിഡ് സ്ഥിരീകരിച്ചത്. ഫ്രാന്‍സ്, തുര്‍ക്കി, റഷ്യ എന്നീ രാജ്യങ്ങളിലും രോഗവ്യാപനം ഉയർന്നുതന്നെയാണ്.
