ന്യൂയോര്ക്ക്: ലോകത്ത് കോവിഡ് ബാധിതരുടെ എണ്ണം കുതിച്ചുയരുന്നു. കഴിഞ്ഞ 24 മണിക്കൂറിനിടെ അഞ്ചര ലക്ഷത്തിലധികം പുതിയ കേസുകളാണ് വിവിധ രാജ്യങ്ങളിലായി റിപ്പോര്ട് ചെയ്തത്. ഇതോടെ ആകെ രോഗബാധിതരുടെ എണ്ണം 16.96 കോടി പിന്നിട്ടു.
അതേസമയം ലോകത്തെ കോവിഡ് മരണസംഖ്യ 35.24 ലക്ഷമായി ഉയര്ന്നതായി കണക്കുകൾ വ്യക്തമാക്കുന്നു. 15.70 കോടിയിലേറെ ആളുകൾ ഇതുവരെ രോഗമുക്തിയും നേടി.
കോവിഡ് വ്യാപനം തുടരുന്ന ഇന്ത്യയില് കഴിഞ്ഞ ദിവസം 2,11,298 കോവിഡ് കേസുകളാണ് റിപ്പോർട് ചെയ്തത്. 3,847 പേർക്കാണ് കോവിഡ് മൂലം ജീവൻ നഷ്ടമായത്. ദിവസങ്ങൾക്ക് ശേഷമാണ് മരണസംഖ്യ നാലായിരത്തിൽ താഴെയാകുന്നത്. അതേസമയം 2,83,135 പേർ രോഗമുക്തി നേടിയതായും ആരോഗ്യ മന്ത്രാലയത്തിന്റെ കണക്കുകൾ വ്യക്തമാക്കുന്നു. നിലവില് 28 ലക്ഷത്തിലധികം പേരാണ് രാജ്യത്ത് ചികിൽസയിൽ കഴിയുന്നത്.
അമേരിക്ക മാത്രമാണ് കോവിഡ് രോഗബാധിതരുടെ എണ്ണത്തില് ഇന്ത്യയ്ക്ക് മുന്നിലുള്ളത്. 3.39 കോടി ആളുകൾക്കാണ് യുഎസില് ഇതുവരെ കോവിഡ് സ്ഥിരീകരിച്ചതെന്നാണ് ഔദ്യോഗിക കണക്കുകൾ. 2.77 കോടി പേര് രോഗമുക്തി നേടിയ രാജ്യത്ത് മരണസംഖ്യ 60 ലക്ഷം കടന്നു.
Read Also: ടിപിആർ 10 ശതമാനമെങ്കിൽ നിയന്ത്രണം തുടരണം; കോവിഡ് മാർഗനിർദ്ദേശം നീട്ടി കേന്ദ്രം