പേരാവൂർ: എക്‌സൈസിന്റെ നേതൃത്വത്തിൽ പേരാവൂരിൽ നടത്തിയ പരിശോധനയിൽ മദ്യക്കുപ്പികളുമായി യുവാവിനെ അറസ്‌റ്റ് ചെയ്‌തു. വേക്കളം പുതുശ്ശേരിപൊയിൽ സ്വദേശി നിഖിൽ വിയാണ് പിടിയിലായത്. ബൈക്കിൽ കടത്തുകയായിരുന്ന പന്ത്രണ്ട് കുപ്പി (6 ലിറ്റർ) വിദേശ മദ്യം ഇയാളിൽ നിന്നും പിടിച്ചെടുത്തു.
നിയമസഭാ തിരഞ്ഞെടുപ്പിനോട് അനുബന്ധിച്ച് നടക്കുന്ന സ്‌പെഷ്യൽ എൻഫോഴ്‌സ്‌മെന്റ് ഡ്രൈവിന്റെ ഭാഗമായി ആയിരുന്നു പരിശോധന.
കാഞ്ഞിരപ്പുഴ ഭാഗത്ത് വെച്ചാണ് മോട്ടോർ സൈക്കിളിൽ കടത്തുകയായിരുന്ന മദ്യം പിടികൂടിയത്. എക്‌സൈസ് കമ്മീഷണറുടെ ഉത്തര മേഖലാ ടീം അംഗം പ്രിവന്റീവ് ഓഫീസർ എംപി സജീവനു ലഭിച്ച രഹസ്യ വിവരത്തെ തുടർന്നു നടത്തിയ റെയ്ഡിലാണ് നിഖിൽ പിടിയിലായത്.
Malabar News: കരിപ്പൂർ വിമാനാപകടം; നീട്ടിയ സമയപരിധി കഴിഞ്ഞിട്ടും റിപ്പോർട് സമർപ്പിച്ചില്ല
