തൃശൂർ: വലപ്പാട് കോതകുളത്ത് യുവാവ് കുത്തേറ്റ് മരിച്ചു. ഏങ്ങണ്ടിയൂർ സ്വദേശി കോലാട്ടുപുരക്കൽ ജോഷിയാണ് മരിച്ചത്. പള്ളിത്തറ കോളനിയിലുള്ള ഭാര്യ വീട്ടിൽ എത്തിയതായിരുന്നു ഇയാൾ. വ്യാഴാഴ്‌ച രാത്രി 9 മണിയോടെയാണ് സംഭവം.
ജോഷിയുടെ ഭാര്യ വീടിന് സമീപം വാടകക്ക് താമസിക്കുന്ന പുതുവീട്ടിൽ സനൽ ആണ് പ്രതി. സനലിന്റെ വീട്ടിൽ തർക്കം നടക്കുന്നത് ചോദിക്കാനെത്തിയ ജോഷിയെ കത്തി കൊണ്ട് കുത്തുകയായിരുന്നു. ഉടൻ തന്നെ തൃശൂരിലെ സ്വകാര്യ ആശുപത്രിയിലേക്ക് കൊണ്ടുപോയെങ്കിലും രക്ഷിക്കാനായില്ല.
സംഭവത്തിന് ശേഷം സനൽ ഒളിവിലാണ്. ഇയാൾക്ക് വേണ്ടിയുള്ള തിരച്ചിൽ പോലീസ് ഊർജിതമാക്കിയിട്ടുണ്ട്. കുത്താനുപയോഗിച്ച കത്തി വീട്ടുമുറ്റത്ത് നിന്ന് പോലീസ് കണ്ടെടുത്തു. ഇരിങ്ങാലകുട എസ്‌പി പിആർ രാജേഷിന്റെ നേതൃത്വത്തിലുള്ള സംഘമാണ് കേസ് അന്വേഷിക്കുന്നത്. ഫോറൻസിക് ഉദ്യോഗസ്‌ഥരും സംഭവ സ്‌ഥലത്തെത്തി തെളിവുകൾ ശേഖരിച്ചു.
Also Read: പ്രവാസികള്‍ക്കും വിദേശത്ത് അവർക്കൊപ്പം കഴിയുന്ന കുടുംബത്തിനും ആരോഗ്യ ഇന്‍ഷുറന്‍സ്
