കഴക്കൂട്ടം: തിരുവനന്തപുരത്ത് വിവാഹ സൽക്കാരത്തിനിടെ ഗുണ്ട അക്രമം. കണിയാപുരം കുന്നിനകം ശ്രീവിശാഖത്തിൽ വിഷ്ണു(28)വിന് ആക്രമണത്തിനിടെ കുത്തേറ്റു. സിപിഎം നെട്ടയക്കോണം ബ്രാഞ്ചംഗം കണ്ണന്റെ വിവാഹ സൽക്കാരത്തിനിടെ ആയിരുന്നു അപകടം. മുതുകിൽ കുത്തേറ്റ വിഷ്ണുവിനെ മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. ഞായറാഴ്ച രാത്രി എട്ടുമണിയോടെയാണ് സംഭവം.
മംഗലാപുരത്ത് സ്വർണവ്യാപാരിയെ ആക്രമിച്ച് സ്വർണ്ണം കവർന്ന കേസിലടക്കം നിരവധി കേസുകളിൽ പ്രതിയായ ജാസിം ഖാനാണ് പ്രതിയെന്ന് കഴക്കൂട്ടം പൊലീസ് പറഞ്ഞു. വിഷ്ണു ജാസിംഖാന്റെ സംഘത്തിൽ മുൻപ് ഉണ്ടായിരുന്ന ആളാണെന്നാണ് എന്നാണ് പ്രാഥമിക വിവരം. പരിക്ക് ഗുരുതരമല്ലെന്നാണ് നിഗമനം.
Read also: കേസിന് പിന്നിൽ രാഷ്ട്രീയ ലക്ഷ്യങ്ങൾ; പിസി ജോർജിന്റെ ജാമ്യാപേക്ഷ ഇന്ന് പരിഗണിക്കും