കോഴിക്കോട്: മദ്യലഹരിയിലുണ്ടായ തർക്കത്തെ തുടർന്ന് യുവാവ് സഹോദരനെ വെട്ടിക്കൊലപ്പെടുത്തി. കോഴിക്കോട് കൊടുവള്ളി വലിയപറമ്പ് താന്നിരിക്കംപൊയിൽ പ്രസാദാണ് (50) കൊല്ലപ്പെട്ടത്. സഹോദരൻ പ്രമോദിനെ (54) പോലീസ് പിടികൂടിയിട്ടുണ്ട്. ശനിയാഴ്ച രാത്രി പത്തരയോടെയാണ് സംഭവം.
അവിവാഹിതരായ ഇരുവരും ഒരേ വീട്ടിലാണ് താമസിച്ചിരുന്നത്. സ്വത്ത് തർക്കമാണ് കൊലപാതകത്തിന് കാരണമെന്നാണ് ലഭിക്കുന്ന വിവരം. ഇരുവരും തമ്മിൽ ഏറെ നാളായി സ്വത്ത് തർക്കം നിലനിന്നിരുന്നു. ഇതുസംബന്ധിച്ച് കോടതിയിൽ കേസുമുണ്ട്. കുടുംബത്തിൽ നാല് മക്കളാണുള്ളത്. ഇതിൽ മൂന്ന് ആൺമക്കളും അവിവാഹിതരാണ്. ഇവരുടെ മാതാപിതാക്കൾ വർഷങ്ങൾക്ക് മുൻപ് മരിച്ചിരുന്നു.
Most Read| സിനിമകളുടെ വ്യാജ പതിപ്പുകൾ പ്രചരിപ്പിക്കുന്നത് തടയണം; ടെലഗ്രാമിന് നോട്ടീസ്
