കമ്പളക്കാട്: സ്വന്തം വീട്ടിൽ നിന്ന് 16 പവൻ സ്വർണാഭരണം മോഷ്‌ടിച്ച് കടന്നുകളഞ്ഞ യുവാവ് പോലീസ് പിടിയിൽ. വയനാട് കോട്ടത്തറ മൈലാടി അടുവാട്ടിൽ മുഹമ്മദ് ഷാഫിയാണ് (25) പിടിയിലായത്. വീട്ടുകാരാണ് യുവാവിനെതിരെ പോലീസിൽ പരാതി നൽകിയത്.
കൽപ്പറ്റ നഗരത്തിൽ സംശയാസ്‌പദമായ സാഹചര്യത്തിൽ കണ്ടെത്തിയ ഷാഫിയെ കൽപ്പറ്റ പോലീസ് കസ്‌റ്റഡിയിൽ എടുത്ത് കമ്പളക്കാട് പോലീസിന് കൈമാറുകയായിരുന്നു. ഇയാളിൽ നിന്ന് 5 പവനോളം സ്വർണവും പോലീസ് കണ്ടെടുത്തിട്ടുണ്ട്. ബാക്കി സ്വർണം സംസ്‌ഥാനത്തിന് പുറത്തും മറ്റുമായി വിൽപ്പന നടത്തിയതായാണ് വിവരം. സ്വർണം വിറ്റ് വാങ്ങിയ ലാപ്ടോപ്, കാമറ, മൊബൈൽ എന്നിവ കണ്ടെടുത്തിട്ടുണ്ട്. കമ്പളക്കാട് എടിഎം കവർച്ച കേസിലെ പ്രതിയാണ്. കോടതിയിൽ ഹാജരാക്കിയ ഇയാളെ റിമാൻഡ് ചെയ്‌തു.
Read also: ആളില്ലാത്ത വീട്ടിൽ മോഷണം; സ്വർണവും പണവും കവർന്നു
