കണ്ണൂർ: പ്രായപൂർത്തിയാകാത്ത പെൺകുട്ടിയെ പീഡിപ്പിച്ച കേസിൽ യുവാവിനെ ജില്ലയിൽ നിന്നും അറസ്റ്റ് ചെയ്തു. കൊച്ചുചുറയിൽ ജിതിൻ രാജ്(23) ആണ് പോക്സോ കേസിൽ അറസ്റ്റിലായത്. കഴിഞ്ഞ ജനുവരിയിലാണ് കേസിനാസ്പദമായ സംഭവം നടന്നത്.
പീഡനം സംബന്ധിച്ച വിവരം കുട്ടി ആദ്യം അമ്മയോടാണ് തുറന്നു പറഞ്ഞത്. തുടർന്ന് ഇക്കാര്യം കുട്ടിയുടെ ക്ളാസ് ടീച്ചറുടെ ശ്രദ്ധയിൽ പെടുത്തുകയും, പോലീസിൽ പരാതി നൽകുകയുമായിരുന്നു. പരാതി നൽകിയ വിവരം അറിഞ്ഞതോടെ മീന്തുള്ളിയിലെ ഇറച്ചിക്കടയിൽ ജോലി ചെയ്യുകയായിരുന്ന യുവാവ് ഒളിവിൽ പോകുകയും ചെയ്തു.
ചെറുപുഴ എസ്ഐ എംപി ഷാജിയുടെ നേതൃത്വത്തിലുള്ള പോലീസ് സംഘമാണ് പ്രതിയെ പിടികൂടിയത്. തുടർന്ന് കോടതിയിൽ ഹാജരാക്കിയ പ്രതിയെ നിലവിൽ റിമാൻഡ് ചെയ്തിരിക്കുകയാണ്.
Read also: ടുണീഷ്യൻ എണ്ണക്കപ്പലിൽ നിന്നും മലയാളിയെ കാണാതായി