വെല്ലിങ്ടൺ: കോവിഡ് മഹാമാരി ശ്വാസം മുട്ടിച്ച 2020നോട് വിടപറഞ്ഞ് പുത്തൻ പ്രതീക്ഷകളുമായി പുതുവർഷത്തെ സ്വാഗതം ചെയ്ത് ലോകം. പസഫിക് സമുദ്രത്തിലെ സമോവ, കിരിബാത്തി ദ്വീപുകളിലാണ് 2021 ആദ്യമെത്തിയത്. ഇന്ത്യൻ സമയം മൂന്നരയോടെയാണ് ഈ ദ്വീപുകൾ 2020നോട് വിട പറഞ്ഞത്. തൊട്ടുപിന്നാലെ ന്യൂസിലാൻഡും പുതുവര്ഷത്തെ വരവേറ്റു.
ആർപ്പുവിളികളും വെടിക്കെട്ടുമായി ആവേശത്തോടെയാണ് ന്യൂസിലാൻഡ് പുതുവർഷത്തെ വരവേറ്റത്. ന്യൂസിലാൻഡിൽ ഓക്ലന്ഡിലും വെല്ലിങ്ടണിലുമാണ് ആദ്യം പുതുവര്ഷം പിറന്നത്.
New Zealand celebrates the New Year with a fireworks show https://t.co/DlxaBuRHLm
— Reuters (@Reuters) December 31, 2020
സെന്ട്രല് ഓക്ലന്ഡിലെ വിക്ടോറിയ സെന്റ് വെസ്റ്റിൽ ആയിരക്കണക്കിനാളുകള് പുതുവര്ഷ പുലരിയെ വരവേല്ക്കാനെത്തി. സ്കൈടവറില് നടന്ന വെടിക്കെട്ട് ആര്പ്പുവിളികളോടെയാണ് ജനം സ്വീകരിച്ചത്.
ന്യൂസിലാൻഡിന് ശേഷം ഓസ്ട്രേലിയയിലാണ് പുതുവർഷം എത്തിയത്. ജപ്പാന്, ചൈന, ഇന്ത്യ എന്നിങ്ങനെയാണ് പുതുവര്ഷ ദിനം കടന്നുപോകുക. അമേരിക്കക്കു കീഴിലുള്ള ബേക്കര് ദ്വീപ്, ഹൗലാന്ഡ് ദ്വീപ് എന്നിവിടങ്ങളിലാണ് പുതുവര്ഷം അവസാനമെത്തുക. എന്നാല് ഇവിടെ മനുഷ്യവാസം ഇല്ല. ലണ്ടണില് ജനുവരി ഒന്ന് പകല് 11 മണിയാകുമ്പോഴാണ് ഈ ദ്വീപുകളില് പുതുവര്ഷം പിറക്കുക.
New Year’s Eve fireworks display over Sydney Harbour as Australia ushers in 2021 https://t.co/IOAyEw6dwR
— Reuters (@Reuters) December 31, 2020
Also Read: മോട്ടോര് വാഹന വകുപ്പിന്റെ സേവനങ്ങള് നാളെമുതല് പൂര്ണമായും ഓണ്ലൈനാകുമെന്ന് ഗതാഗത മന്ത്രി