നിലമ്പൂര്: നിലമ്പൂര് നഗരസഭയില് കോണ്ഗ്രസ് വിമതര്ക്കെതിരെ നടപടി തുടങ്ങി. തിരഞ്ഞെടുപ്പിനുള്ള നാമനിര്ദേശ പത്രിക സൂക്ഷ്മ പരിശോധന പൂര്ത്തിയായതോടെ താമരക്കുളത്ത് വിമത സ്ഥാനാര്ഥിക്ക് വേണ്ടി പ്രവര്ത്തിക്കുന്ന മൂന്ന് നേതാക്കളെയാണ് പാര്ട്ടി പുറത്താക്കിയത്.
Malabar News: സ്വര്ണക്കടത്ത് കേസ്; മലപ്പുറത്തും കോഴിക്കോടും എന്ഐഎ റെയ്ഡ്
നിലമ്പൂര് നഗരസഭയിലെ 29ആം ഡിവിഷനായ താമരകുളത്ത് യുഡിഎഫ് സ്ഥാനാര്ഥിക്കെതിരെ ജനകീയ മുന്നണി സ്ഥാനാര്ഥിയായി മൽസരിക്കുന്ന സജീഷ ടീച്ചര്ക്ക് വേണ്ടി തെരഞ്ഞെടുപ്പ് പ്രരണം നടത്തിയ താമരക്കുളം കോണ്ഗ്രസ് വാര്ഡ് പ്രസിഡണ്ട് ഹംസ മൂച്ചിക്കല്, സെക്രട്ടറി വികെ ഗോകുല്ദാസ്, പ്രവാസി കോണ്ഗ്രസ് ജില്ലാ സെക്രട്ടറി എടി ഫ്രാന്സിസ് എന്നിവരെയാണ് കോണ്ഗ്രസില് നിന്ന് പുറത്താക്കിയത്. ജില്ലാ കോണ്ഗ്രസ് കമ്മറ്റിയുടെ നിര്ദേശ പ്രകാരമാണ് നടപടിയെന്ന് നിലമ്പൂരില് വിളിച്ചുചേര്ത്ത വാര്ത്താ സമ്മേളത്തില് നിലമ്പൂര് കോണ്ഗ്രസ് നേതൃത്വം അറിയിച്ചു.