മസ്‌ക്കറ്റ് : കഴിഞ്ഞ 24 മണിക്കൂറിനിടെ ഒമാനില്‍ 302 പേര്‍ക്ക് കൂടി കോവിഡ് സ്‌ഥിരീകരിച്ചു. ഇതോടെ രാജ്യത്തെ ആകെ കോവിഡ് ബാധിതരുടെ എണ്ണം 1,19,186 ആയി ഉയര്‍ന്നു. ഇതിനൊപ്പം തന്നെ രാജ്യത്ത് ഇന്ന് കോവിഡ് മുക്‌തരായ ആളുകളുടെ എണ്ണം 303 ആണ്. രാജ്യത്ത് ഇതുവരെ കോവിഡ് മുക്‌തരായ ആളുകളുടെ ആകെ എണ്ണം 1,09,633 ആണ്. രാജ്യത്ത് നിലവില്‍ കോവിഡ് ബാധിതരാകുന്ന ആളുകളുടെ എണ്ണത്തിനൊപ്പം തന്നെയാണ് രോഗമുക്‌തരാകുന്ന ആളുകളുടെ എണ്ണവും. 92 ശതമാനമാണ് രാജ്യത്തെ നിലവിലെ കോവിഡ് മുക്‌തിനിരക്ക്.
കഴിഞ്ഞ 24 മണിക്കൂറിനിടെ രാജ്യത്ത് 5 പേര്‍ക്ക് കൂടിയാണ് കോവിഡ് ബാധ മൂലം ജീവന്‍ നഷ്‌ടമായത്. നിലവില്‍ രാജ്യത്തിന്റെ വിവിധ ഭാഗങ്ങളിലായി ഇതുവരെ 1,321 ആളുകളാണ് കോവിഡ് ബാധിച്ചു മരിച്ചത്. കോവിഡ് സ്‌ഥിരീകരിച്ചതിനെ തുടര്‍ന്ന് 309 ആളുകളാണ് രാജ്യത്ത് ഇപ്പോള്‍ ആശുപത്രികളില്‍ ചികില്‍സയില്‍ കഴിയുന്നത്. പുതുതായി രോഗം സ്‌ഥിരീകരിച്ചവരില്‍ 37 പേരെയാണ് കഴിഞ്ഞ ദിവസം ആശുപത്രിയില്‍ പ്രവേശിപ്പിച്ചത്. രാജ്യത്തിന്റെ വിവിധ ഭാഗങ്ങളിലെ ആശുപത്രികളില്‍ ചികില്‍സയില്‍ കഴിയുന്ന 134 പേരുടെ ആരോഗ്യനില ഗുരുതരമായി തുടരുകയാണ്.
Read also : ബഹ്‌റൈൻ പ്രധാനമന്ത്രി ഖലീഫ ബിൻ സൽമാൻ അന്തരിച്ചു
