കോഴിക്കോട്: ട്രെയിനിൽ അനധികൃതമായി കടത്തിയ 35.97 ലക്ഷം രൂപ കോഴിക്കോട് റെയിൽവേ സ്‌റ്റേഷനിൽ നിന്ന് പിടികൂടി. മംഗളൂരു-ചെന്നൈ എക്‌സ്‌പ്രസിൽ നിന്നാണ് തിങ്കളാഴ്‌ച വൈകിട്ടോടെ പണം പിടികൂടിയത്. സംഭവത്തിൽ രാജസ്‌ഥാൻ സ്വദേശിയായ ബാബൂത്ത് സിങിനെ (54) റെയിൽവേ പോലീസ് അറസ്‌റ്റ് ചെയ്‌തു. പണം കോഴിക്കോടേക്ക് കൊണ്ടുവന്നതാണെന്ന് ചോദ്യം ചെയ്യലിൽ ഇയാൾ സമ്മതിച്ചിട്ടുണ്ട്.
നിയമസഭാ തിരഞ്ഞെടുപ്പിന്റെ പശ്‌ചാത്തലത്തിൽ പാലക്കാട് ഡിവിഷണൽ സെക്യൂരിറ്റി കമ്മീഷണർ ജെതിൻ പി രാജിന്റെ നേതൃത്വത്തിൽ പരിശോധനക്കായി പ്രത്യേക സംഘത്തെ രൂപീകരിച്ചിരുന്നു. സംഘത്തിലെ ആർപിഎഫ് എഎസ്ഐ കെ സജു, കോൺസ്‌റ്റബിൾമാരായ പികെ ഷെറി, ഒകെ അജീഷ്, അബ്‌ദുൾ സത്താർ എന്നിവരാണ് പണം പിടികൂടിയത്. പ്രതിയെ തുടർ നടപടികൾക്കായി ആദായ നികുതി ഉദ്യോഗസ്‌ഥർക്ക്‌ കൈമാറി.
Read also: മണ്ണാർക്കാട് നഗരസഭക്ക് ശുചിത്വപദവി; പുരസ്‌കാരം കൈമാറി
