കാലിഫോർണിയ: സതേൺ കാലിഫോർണിയയിലെ ബിസിനസ് കേന്ദ്രത്തിലുണ്ടായ വെടിവെപ്പിൽ ഒരു കുട്ടിയുൾപ്പടെ 4 പേർ കൊല്ലപ്പെട്ടു. ഓറഞ്ച് നഗരത്തിലെ ലിങ്കൺ അവന്യുവിലാണ് വെടിവെപ്പുണ്ടായത്. വെടിവെപ്പിൽ ഒരാൾക്ക് പരിക്കേറ്റു. പരിക്കേറ്റവരെ അടുത്തുള്ള ആശുപത്രിയിലേക്ക് മാറ്റിയിട്ടുണ്ടെന്ന് പോലീസ് ലെഫ്റ്റനന്റ് ജെന്നിഫർ അമാത് അറിയിച്ചു.
ബുധനാഴ്‍ച വൈകിട്ട് 5.30ഓടെയായിരുന്നു ആക്രമണം. വെടിവെപ്പ് നടത്തിയത് ആരെന്നത് സംബന്ധിച്ച് കൂടുതൽ വ്യക്‌തത വന്നിട്ടില്ലെന്ന് പോലീസ് അറിയിച്ചു. ലോസ് ആഞ്‌ജലസിൽ നിന്നും 30 മൈൽ അകലെ മാറി 14 ലക്ഷത്തോളം ആളുകൾ വസിക്കുന്ന നഗരമാണ് ഓറഞ്ച്. സംഭവത്തിൽ നടുക്കം രേഖപ്പെടുത്തിയ ഗവർണർ ഗാവിൻ ന്യൂസം, ആക്രമണം ഹൃദയഭേദകമാണെന്ന് പ്രതികരിച്ചു.
Read also: ബാങ്ക് ലയനം; 7 ബാങ്കുകളുടെ ചെക്ക് ബുക്ക് ഇന്ന് മുതൽ അസാധുവാകും
