തിരുവനന്തപുരം: സംസ്ഥാനത്ത് 566 വാർഡുകളിൽ ട്രിപ്പിൾ ലോക്ക്ഡൗൺ. ഇവിടങ്ങളിൽ പ്രതിവാര രോഗവ്യാപനതോത് എട്ടിന് മുകളിലാണ്. ഏറ്റവും കൂടുതൽ വാർഡുകൾ മലപ്പുറത്താണ്. 16 തദ്ദേശ സ്ഥാപനങ്ങളിലായി 171 വാർഡുകളിലാണ് മലപ്പുറത്ത് നിയന്ത്രണം. 102 വാർഡുകളുമായി പാലക്കാടാണ് രണ്ടാം സ്ഥാനത്ത്. 85 വാർഡുകളുമായി തൃശൂരാണ് മൂന്നാമത്. എറണാകുളത്ത് 51 തദ്ദേശ വാർഡുകളിലാണ് നിയന്ത്രണം.
വയനാട് 47, തിരുവനന്തപുരം- പത്തനംതിട്ട ജില്ലകളിൽ 6 വീതം, കൊല്ലം- കണ്ണൂർ 7 എന്നിങ്ങനെയാണ് വാർഡുതല കണക്കുകൾ. ഇന്നലെ വൈകിട്ടാണ് ജില്ലകളിൽ തദ്ദേശ സ്ഥാപനങ്ങൾ തിരിച്ചുള്ള കണക്കുകൾ പുറത്തുവന്നത്. അതേസമയം, ഇടുക്കിയിൽ ഒരുതരത്തിലുള്ള നിയന്ത്രണങ്ങളും ഇല്ല.
Also Read: സംസ്ഥാനത്ത് അനാഥ മന്ദിരങ്ങളിൽ കഴിയുന്നവർക്ക് പെൻഷനില്ല; ധനകാര്യ വകുപ്പ്