ന്യൂയോർക്ക്: ലോകത്ത് കോവിഡ് ബാധിതരുടെ എണ്ണം കുത്തനെ ഉയരുന്നു. കഴിഞ്ഞ ഇരുപത്തിനാല് മണിക്കൂറിനിടെ ഏഴ് ലക്ഷത്തിനടുത്ത് കേസുകളാണ് റിപ്പോർട് ചെയ്‌തത്. ഇതോടെ ആകെ രോഗബാധിതരുടെ എണ്ണം ഇരുപത് കോടി അറുപത്തിയെട്ട് ലക്ഷം പിന്നിട്ടു. വേൾഡോമീറ്ററിന്റെ കണക്കുപ്രകാരം ഇതുവരെ 43.57 ലക്ഷം പേർ മരിച്ചു. നിലവിൽ ഒരുകോടി അറുപത്തിയൊൻപത് ലക്ഷം പേരാണ് ചികിൽസയിലുള്ളത്.
പ്രതിദിന കോവിഡ് കേസുകളുടെ എണ്ണത്തിൽ അമേരിക്കയാണ് ഇപ്പോൾ ലോകത്ത് ഒന്നാം സ്‌ഥാനത്ത്. ഒരു ലക്ഷത്തിലധികം കേസുകളാണ് ഇന്നലെ റിപ്പോർട് ചെയ്‌തത്. ആകെ രോഗബാധിതരുടെ എണ്ണം മൂന്ന് കോടി എഴുപത്തിമൂന്ന് ലക്ഷമായി ഉയർന്നു. 6.39 ലക്ഷം പേർ മരിച്ചു. ഇന്ത്യയിൽ കഴിഞ്ഞ ദിവസം 40,120 പേർക്കായിരുന്നു വൈറസ് ബാധ സ്‌ഥിരീകരിച്ചത്. 585 മരണങ്ങളും റിപ്പോർട് ചെയ്‌തു.
Read Also: ഓടിക്കൊണ്ടിരുന്ന കാറിന് തീപിടിച്ചു; യാത്രക്കാരൻ അൽഭുതകരമായി രക്ഷപ്പെട്ടു
