ഡെൽഹി: പാർലമെന്റ് നടപടികൾ ഇന്നും പ്രതിപക്ഷ പ്രതിഷേധത്തിൽ പ്രക്ഷുബ്ദമാകും. ഫോൺ ചോർത്തൽ, ഡെൽഹിയിൽ 9 വയസുകാരി കൊല്ലപ്പെട്ടത്, വിലക്കയറ്റം, കർഷക സമരം തുടങ്ങിയ വിഷയങ്ങളിൽ പ്രതിപക്ഷം ഇരു സഭകളിലും അടിയന്തിര പ്രമേയത്തിന് നോട്ടീസ് നൽകിയിട്ടുണ്ട്.
ഫോൺ ചോർത്തൽ വിഷയം സഭ ചർച്ച ചെയ്യണമെന്ന ആവശ്യം അംഗികരിക്കാതെ പാർലമെന്റ് നടപടികളോട് സഹകരിക്കില്ലെന്നും പ്രതിപക്ഷം പ്രഖ്യാപിച്ചിട്ടുണ്ട്. ഇന്നലെ ഈ വിഷയത്തിൽ നടുത്തളത്തിലിറങ്ങിയ 6 തൃണമൂൽ അംഗങ്ങളെ രാജ്യസഭാ ചെയർമാൻ ഒരു ദിവസത്തേക്ക് സസ്പെൻഡ് ചെയ്തിരുന്നു.
അതേസമയം ഇരു സഭകളിലും ഇന്നും നിയമ നിർമ്മാണ അജണ്ടകളുമായി സർക്കാർ മുന്നോട്ട് പോകും. ലോകസഭയിൽ സെൻട്രൽ യൂണിവേഴ്സിറ്റി ഭേഭഗതി ബില്ലും രാജ്യസഭയിൽ ഡെൽഹിയിലെ വായു മലിനീകരണം തടയുന്നതുമായി ബന്ധപ്പെട്ട ബില്ലുമാകും നിയമ നിർമ്മാണ അജണ്ടയിൽ പ്രധാനം.
Also Read: കോവിഡ്; ലോകത്ത് 20.9 കോടിയിലേറെ രോഗബാധിതർ; മരണസംഖ്യയും കുതിക്കുന്നു