കോഴിക്കോട്: പന്ത്രണ്ടുകാരിയെ പീഡിപ്പിച്ച കളരി ഗുരുക്കള് അറസ്റ്റില്. കോഴിക്കോട് നൻമണ്ട കൊളത്തൂര് ശിവശക്തി കളരി സംഘത്തിലെ ഗുരുക്കള് മേഞ്ഞാണ്യം സ്വദേശി മജീന്ദ്രനെയാണ് കാക്കൂര് പോലീസ് അറസ്റ്റ് ചെയ്തത്. പ്രതിയെ പോക്സോ വകുപ്പ് പ്രകാരം കോടതി റിമാന്ഡ് ചെയ്തു.
2019ലാണ് കേസിനാസ്പദമായ സംഭവം നടക്കുന്നത്. കളരി പരിശീലനത്തിന് എത്തിയ പെണ്കുട്ടിയെ പീഡിപ്പിച്ചുവെന്നാണ് പരാതി. കളരി മുറിയില് വെച്ചാണ് പെണ്കുട്ടി പീഡനത്തിന് ഇരയായത്.
പെണ്കുട്ടിയുടെ പെരുമാറ്റത്തില് അസ്വഭാവികത തോന്നിയ രക്ഷിതാക്കള് കൗണ്സിലിംഗിന് വിധേയമാക്കിയതോടെയാണ് പീഡനവിവരം പുറത്തറിഞ്ഞത്. തുടർന്ന് പെണ്കുട്ടിയുടെ മാതാപിതാക്കള് നല്കിയ പരാതിയിലാണ് മജീന്ദ്രനെ പോലീസ് അറസ്റ്റ് ചെയ്തത്.
Malabar News: മലബാറിൽ വീണ്ടും ‘നിപ്പ’ സംശയം; കോഴിക്കോട് 12കാരൻ ചികിൽസയിൽ