ശ്രീനഗർ: ജമ്മു കശ്മീരിലെ ശ്രീനഗറില് ജാമിയ മസ്ജിദിന് മുന്നില് പ്രകടനം നടത്തിയ പതിമൂന്ന് യുവാക്കളെ പോലീസ് ‘രാജ്യദ്രോഹക്കുറ്റം’ ചുമത്തി അറസ്റ്റ് ചെയ്തു. വെള്ളിയാഴ്ച പ്രാർഥനയ്ക്ക് ശേഷം സംഘം ചേര്ന്ന് ഇവര് പ്രകടനവും രാജ്യവിരുദ്ധ മുദ്രാവാക്യങ്ങളും ഉയര്ത്തുകയായിരുന്നെന്ന് പോലീസ് പറഞ്ഞു. പൊതുസുരക്ഷ നിയമപ്രകാരമാണ് ഇവര്ക്കെതിരെ കേസ് എടുത്തിരിക്കുന്നത്.
സംഭവവുമായി ബന്ധപ്പെട്ട് കൂടുതല് പേരുടെ അറസ്റ്റ് രേഖപ്പെടുത്താനും സാധ്യതയുണ്ടെന്നാണ് റിപ്പോര്ട്ടുകള്. രാജദ്രോഹക്കുറ്റം, ഗൂഢാലോചന (123 A), 477, 120B എന്നീ വകുപ്പുകളാണ് ചുമത്തിയിരിക്കുന്നത്. സംഭവത്തിന് പിന്നില് പാക് തീവ്രവാദ ബന്ധവും പോലീസ് ആരോപിക്കുന്നുണ്ട്. വിവിധ ഇടങ്ങളില് നിന്നെത്തിയ ഇവരില് പലര്ക്കും ക്രിമിനല് പശ്ചാത്തലമുണ്ടെന്ന് പോലീസ് പറഞ്ഞു.
Read Also: കെവി തോമസ് സിപിഎം സെമിനാറിൽ പങ്കെടുത്തത് തെറ്റ്; കെ മുരളീധരൻ