അഹമ്മദാബാദ്: ഗുജറാത്തിലെ മോർബിയിൽ 108 അടി ഉയരമുള്ള ഹനുമാൻ പ്രതിമ അനാച്ഛാദനം ചെയ്ത് പ്രധാനമന്ത്രി നരേന്ദ്രമോദി. ജനങ്ങൾ അടുത്ത 25 വർഷം പ്രാദേശിക ഉത്പ്പന്നങ്ങൾ ഉപയോഗിക്കുകയാണെങ്കിൽ രാജ്യത്ത് തൊഴിലില്ലായ്മ ഇല്ലാതാകുമെന്ന് ചടങ്ങിൽ സംസാരിക്കവേ മോദി പറഞ്ഞു.
‘വോക്കൽ ഫോർ ലോക്കൽ’, നമ്മുടെ വീടുകളിൽ നമ്മുടെ ജനങ്ങൾ ഉണ്ടാക്കിയ വസ്തുക്കൾ മാത്രം ഉപയോഗിക്കുക. ഇതുമൂലം ഒരു വലിയ വിഭാഗം ജനങ്ങൾക്ക് ജോലി ലഭിക്കും. വിദേശ നിർമ്മിത വസ്തുക്കൾ ഉപയോഗിക്കുകയാണെങ്കിൽ കഠിനാധ്വാനം എന്താണെന്നു നമ്മൾ അറിയില്ല. ജനങ്ങളെ പ്രാദേശിക ഉൽപന്നങ്ങൾ വാങ്ങാൻ പ്രേരിപ്പിക്കണമെന്ന് പ്രധാനമന്ത്രി അഭ്യർഥിച്ചു.
അടുത്ത 25 വർഷം നമ്മൾ പ്രാദേശിക ഉത്പ്പന്നങ്ങൾ മാത്രം ഉപയോഗിക്കുകയാണെങ്കിൽ ജനങ്ങൾക്കിടയിൽ തൊഴിലില്ലായ്മ ഉണ്ടാകില്ലെന്നും പ്രധാനമന്ത്രി നരേന്ദ്ര മോദി പറഞ്ഞു. എങ്ങനെ ആത്മനിർഭരത് എന്ന പദ്ധതി നടപ്പിലാക്കാം എന്നാണ് ലോകം മുഴുവൻ ചിന്തിക്കുന്നതെന്നും അദ്ദേഹം കൂട്ടിച്ചേർത്തു.
Most Read: ശ്രീനിവാസന്റെ തലയിൽ മൂന്ന് തവണ വെട്ടി; ശരീരമാകെ പത്തോളം മുറിവുകൾ