ഹൈദരാബാദ്: ഷംഷാബാദിലെ മുചിന്തൽ ചിന്നജീയാർ ആശ്രമത്തിൽ 216 അടി ഉയരത്തിൽ തീർത്ത രാമാനുജ പ്രതിമ പ്രധാനമന്ത്രി നരേന്ദ്രമോദി ഇന്ന് അനാവരണം ചെയ്യും. സ്വർണം, വെള്ളി, ചെമ്പ്, പിത്തള, നാകം എന്നീ പഞ്ചലോഹംകൊണ്ട് തീർത്ത ലോകത്തിലെ ഏറ്റവും വലിയ പ്രതിമയാണിത്.
11ആം നൂറ്റാണ്ടിലെ സാമൂഹിക പരിഷ്‌കർത്താവായിരുന്ന രാമാനുജാചാര്യ സ്വാമിയുടെ സഹസ്രാബ്‌ദി സമാരോഹത്തോട് അനുബന്ധിച്ചാണ് പ്രതിമ അനാച്ഛാദനം ചെയ്യുന്നത്.
ആശ്രമത്തിലെ 40 ഏക്കർ സ്‌ഥലത്ത് 54 അടി ഉയരമുള്ള ഭദ്രവേദി എന്ന കെട്ടിടത്തിന് മുകളിലാണ് പ്രതിമ നിർമിച്ചിരിക്കുന്നത്. ശനിയാഴ്‌ച ഉച്ചയ്‌ക്ക് 2.45ന് ഹൈദരാബാദിനടുത്ത പഠൻചേരുവിലെ ഇക്രിസാറ്റിൽ എത്തുന്ന പ്രധാനമന്ത്രി വൈകീട്ട് 5ന് ആശ്രമത്തിൽ എത്തി പ്രതിമ രാജ്യത്തിന് സമർപ്പിക്കും. 12 ദിവസം നീണ്ടുനിൽക്കുന്ന രാമാനുജ സഹസ്രാബ്‌ദി സമാരോഹത്തിന് വ്യാഴാഴ്‌ചയാണ് തുടക്കമായത്.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
