ന്യൂഡെൽഹി: ഒമ്പത് റൂട്ടുകളിൽ അമൃത് ഭാരത് എക്സ്പ്രസ് ട്രെയിനുകൾ പ്രഖ്യാപിച്ച് ഇന്ത്യൻ റെയിൽവേ. മന്ത്രി അശ്വിനി വൈഷ്ണവാണ് പ്രഖ്യാപനം നടത്തിയത്. തിരഞ്ഞെടുപ്പ് നടക്കുന്ന ബംഗാളിനാണ് മുന്തിയ പരിഗണന. തമിഴ്നാടും പരിഗണിക്കപ്പെട്ടിട്ടുണ്ട്. എന്നാൽ, കേരളത്തിൽ ഒരു ട്രെയിൻ പോലും പ്രഖ്യാപിച്ചിട്ടില്ല.
ബംഗാളിൽ നിന്ന് നാഗർകോവിൽ, തിരുച്ചിറപ്പള്ളി, താംബരം, എന്നിവിടങ്ങളിലേക്കാണ് തമിഴ്നാട്ടിലേക്കുള്ള സർവീസുകൾ. ഡെൽഹി, യുപി, മുംബൈ തുടങ്ങിയ സ്ഥലങ്ങളിലേക്കും ബംഗാളിൽ നിന്ന് സർവീസുകൾ പ്രഖ്യാപിച്ചു. അസം- ഹരിയാന, അസം-യുപി തുടങ്ങിയ റൂട്ടുകളിലേക്കും അമൃത് ഭാരത് ഓടും.
ദീർഘദൂര റൂട്ടുകളിൽ താഴ്ന്ന ടിക്കറ്റ് നിരക്കിൽ സർവീസ് നടത്തുന്ന നോൺ എസി ട്രെയിനുകളാണ് അമൃത് ഭാരത് എക്സ്പ്രസ്. ബംഗാൾ-ഡെൽഹി, ബംഗാൾ-യുപി, അസം- ഹരിയാന, അസം-യുപി, ബംഗാൾ-തമിഴ്നാട്, ബംഗാൾ-നാഗർകോവിൽ, ബംഗാൾ- കർണാടക, ബംഗാൾ (ആലിപുർദൗർ)- മുംബൈ, കൊൽക്കത്ത-താംബരം , കൊൽക്കത്ത-ഡെൽഹി, കൊൽക്കത്ത-ബനാറസ് തുടങ്ങിയവയാണ് അമൃത് ഭാരത് എക്സ്പ്രസ് പുതുതായി പ്രഖ്യാപിച്ച റൂട്ടുകൾ.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
