തിരുവനന്തപുരം: വരും ദിവസങ്ങളില് കേരളത്തില് ശക്തമായ മഴക്ക് സാധ്യതയെന്ന മുന്നറിയിപ്പുമായി കാലാവസ്ഥാ വകുപ്പ്. ഇതിന്റെ അടിസ്ഥാനത്തില് സംസ്ഥാനത്തെ വിവിധ ജില്ലകളില് യെല്ലോ അലര്ട്ട് പ്രഖ്യാപിച്ചു. നവംബര് 17, 18 തീയതികളില് ഒറ്റപ്പെട്ട ശക്തമായ മഴക്കുള്ള സാധ്യത കണക്കിലെടുത്ത് കോട്ടയം, എറണാകുളം, ഇടുക്കി, മലപ്പുറം, കോഴിക്കോട്, വയനാട് ജില്ലകളിലാണ് യെല്ലോ അലര്ട്ട് പ്രഖ്യാപിച്ചിരിക്കുന്നത്.
National News: 88 ലക്ഷം കടന്ന് രോഗബാധിതര്; രാജ്യത്ത് 24 മണിക്കൂറിൽ 41,100 കോവിഡ് കേസുകൾ
ഉച്ചക്കു ശേഷം രണ്ടു മണി മുതല് രാത്രി പത്തു വരെയുള്ള സമയത്താണ് മഴക്കും ഇടിമിന്നലിനും സാധ്യത. ചില ദിവസങ്ങളില് ഇത് രാത്രി വൈകിയും തുടര്ന്നേക്കാമെന്നും കാലാവസ്ഥാ വകുപ്പ് അറിയിക്കുന്നു. മലയോര മേഖലയില് ഇടിമിന്നല് സജീവമാകാനും അതുവഴി നിരവധി നാശ നഷ്ടങ്ങള് ഉണ്ടാകാനുമുള്ള സാധ്യതകള് ഏറെയാണ്. അപകടകാരികളായ ഇത്തരം ഇടിമിന്നലുകളെ സംസ്ഥാന ദുരന്ത നിവാരണ അതോറിറ്റി സംസ്ഥാന വിശേഷ ദുരന്തമായി പ്രഖ്യാപിച്ചിട്ടുള്ളതാണ്. അതിനാല് വരും ദിവങ്ങളില് മഴക്കുള്ള സാധ്യതകള് കാണുമ്പോള് തന്നെ ആവശ്യമായ മുന്കരുതല് നടപടികള് സ്വീകരിച്ച് സുരക്ഷിതരാകേണ്ടതാണ്.
