മലപ്പുറം: നിയമസഭാ/മലപ്പുറം ലോക്‌സഭാ ഉപതിരഞ്ഞെടുപ്പിന്റെ പ്രചരണാര്‍ഥം മലപ്പുറത്ത് ബൈക്ക് റൈഡ് സംഘടിപ്പിച്ചു. സ്വീപ് മലപ്പുറവും ടീക് ലാൻഡ്‌ റെയ്‌ഡേഴ്‌സും സംയുക്‌തമായാണ് റാലി സംഘടിപ്പിച്ചത്. കരുത്തുറ്റ ജനാധിപത്യത്തില്‍ സമ്മതിദാന അവകാശത്തിന്റെ പ്രധാന്യത്തെ കുറിച്ച് ജനങ്ങളെ ബോധവൽക്കരിക്കുന്നതിന് വേണ്ടിയായിരുന്നു ബൈക്ക് റൈഡ്.
മലപ്പുറം കലക്‌ടറേറ്റില്‍ നിന്നാരംഭിച്ച ബൈക്ക് റൈഡില്‍ ജില്ലാ വരണാധികാരി കൂടിയായ ജില്ലാ കളക്‌ടർ കെ ഗോപാലകൃഷ്‌ണൻ പങ്കെടുത്ത് ഉൽഘാടനം ചെയ്‌തു. ഇലക്ഷന്‍ പ്രചരണാര്‍ഥം നടത്തുന്ന ബൈക്ക് റൈഡില്‍ ഇരുപതിലധികം ബൈക്കുകളാണ് അണിനിരന്നത്.
ജില്ലയിലെ വോട്ടിങ് ശതമാനം വര്‍ധിപ്പിക്കുന്നതിനായി അസിസ്‌റ്റന്റ് കളക്‌ടർ വിഷ്‌ണുരാജിന്റെ നേതൃത്വത്തിലാണ് ജില്ലയില്‍ സ്വീപ് ക്യാംപെയ്‌ൻ സംഘടിപ്പിക്കുന്നത്. മലപ്പുറം ജില്ല വലിയ തിരഞ്ഞെടുപ്പിലേക്ക്, അഭിമാനത്തിന്റെ അടയാളം എന്നിവയാണ് ക്യാംപെയ്‌ന്റെ ആപ്‌ത വാക്യങ്ങൾ.
വോട്ട് രേഖപ്പെടുത്തുന്നതിന്റെ പ്രാധാന്യം ജനങ്ങളില്‍ എത്തിക്കാന്‍ സ്വീപ് ജില്ലയിലെ എല്ലാ മണ്ഡലങ്ങളിലും വിവിധ പരിപാടികള്‍ നടത്തി വരികയാണ്.
Also Read: ലവ് ജിഹാദ്: മതേതര ഐക്യം തകര്‍ക്കുക ലക്ഷ്യം; രമേശ് ചെന്നിത്തല
