കോഴിക്കോട്: ഫറോക്ക് റെയിൽവേ സ്‌റ്റേഷൻ പാർക്കിങ് ഏരിയയിൽ നിർത്തിയിട്ട കാറിന് തീപിടിച്ചു. ഫറോക്ക് സ്വദേശി ചൂരക്കാട് രേഖയുടെ ഉടമസ്‌ഥതയിലുള്ള കാറിനാണ് തീപിടിച്ചത്. കാറിന്റെ ബോണറ്റ്, സീറ്റ്, സ്‌റ്റിയറിങ് എന്നിവ കത്തിനശിച്ചു. ഇന്ന് ഉച്ചക്ക് 2.15നായിരുന്നു സംഭവം.
കാറിന്റെ ബോണറ്റിൽ നിന്ന് പുക ഉയരുകയായിരുന്നു. ഇത് കണ്ടയുടനെ സമീപത്ത് ഉണ്ടായിരുന്ന ഓട്ടോറിക്ഷാ ഡ്രൈവർമാരും നിർമാണ തൊഴിലാളികളും ചേർന്ന് റെയിൽവേ സ്‌റ്റേഷനിലെ ഫയർ എക്‌സ്‌റ്റിങ്ക്വിഷർ എത്തിച്ചു തീയണക്കുകയായിരുന്നു. സംഭവം അറിഞ്ഞു മീഞ്ചന്തയിൽ നിന്ന് അഗ്‌നിരക്ഷാ സേന അസി. സ്‌റ്റേഷൻ ഓഫീസർ പി സുനിലിന്റെ നേതൃത്വത്തിലുള്ള സംഘം സ്‌ഥലത്ത്‌ എത്തിയിരുന്നു.
Most Read| ജമ്മു കശ്‌മീരിൽ ആർമി ട്രക്കുകൾക്ക് നേരെ ഭീകരാക്രമണം; മൂന്ന് സൈനികർക്ക് വീരമൃത്യു
