കണ്ണൂർ: പേരാവൂരിൽ വൻ ലഹരി വസ്‌തു ശേഖരം പിടികൂടി. മുരിങ്ങോടി നമ്പിയോട് വാടക വീട്ടിൽ സൂക്ഷിച്ചിരുന്ന നിരോധിത പാൻ ഉൽപ്പന്നങ്ങളാണ് പിടികൂടിയത്. 25,500 പാക്കറ്റ് ഹാൻസ്, 1050 കൂൾ തുടങ്ങിയവയാണ് പിടിച്ചെടുത്തത്. 23 ചാക്കുകളിൽ നിറച്ചുവെച്ച നിലയിലായിരുന്നു പാക്കറ്റുകൾ.
ഇന്ന് പുലർച്ചെ മൂന്നരയോടെയായിരുന്നു പേരാവൂർ പോലീസ് വീട്ടിലെത്തി ലഹരി വസ്‌തു പിടികൂടിയത്. സംഭവത്തിൽ ഒരാളെ പോലീസ് കസ്‌റ്റഡിയിൽ എടുത്തിട്ടുണ്ട്. വാടകക്കെടുത്ത വീട്ടിൽ നിരോധിത പാൻ ഉൽപ്പന്നങ്ങൾ വിൽപനക്കായി ശേഖരിച്ച കബീർ എന്നയാളെയാണ് പേരാവൂർ പോലീസ് കസ്‌റ്റഡിയിൽ എടുത്തത്. സിഐ എംഎൻ ബിജോയിയുടെ നേതൃത്വത്തിലാണ് പേരാവൂർ പോലീസ് നിരോധിത ലഹരി ഉൽപ്പന്നങ്ങൾ പിടിച്ചെടുത്തത്.
Most Read: മാനന്തവാടിയിൽ റേഷനരിയിൽ ചത്ത പാമ്പിനെ കണ്ടെത്തി
