മലപ്പുറം: ജില്ലയിലെ ചങ്ങരംകുളം മേഖലയിൽ വർധിച്ചുവരുന്ന മദ്യ-ലഹരി വ്യാപനത്തിനെതിരെ ചങ്ങരംകുളം പൗരസമിതിയുടെ നേതൃത്വത്തിൽ പ്രദേശത്തെ ഭൂരിഭാഗം വീടുകളിലും ജനകീയ സത്യഗ്രഹസമരം നടന്നു. സ്ത്രീകളും കുട്ടികളും ഉൾപ്പടെ നൂറുകണക്കിന് പേരാണ് പ്രതിഷേധ സത്യഗ്രഹത്തിൽ പങ്കാളികളായത്.
ചങ്ങരംകുളം മേഖലയിലെ മദ്യലഹരി മാഫിയകളെ അമർച്ചചെയ്യുക. ചിയ്യാനൂർ, ഉദിനുപറമ്പ് പ്രദേശങ്ങളിൽ നാട്ടുകാരെയും സ്ത്രീകളേയും ആക്രമിച്ച മദ്യലഹരിമാഫിയയെ അമർച്ച ചെയ്യുക, കുറ്റവാളികൾക്ക് കടുത്ത ശിക്ഷ ഉറപ്പാക്കുക. നാട്ടുകാർക്കെതിരെ എടുത്ത കള്ളകേസുകൾ അവസാനിപ്പിക്കുക. ലഹരി മാഫിയകളിൽ നിന്ന് പോലീസും സർക്കാരും നാട്ടുകാർക്ക് സംരക്ഷണം നൽകുക എന്നീ ആവശ്യങ്ങൾ ഉന്നയിച്ചായിരുന്നു സത്യഗ്രഹം.
Related Read: വ്യാപകമാകുന്ന ‘ആധുനിക ലഹരി’: സമഗ്ര അന്വേഷണം അനിവാര്യം; പൗരസമിതി