തിരുവനന്തപുരം : നിയമസഭാ തിരഞ്ഞെടുപ്പ് പ്രചാരണങ്ങളുടെ ഭാഗമായി കോൺഗ്രസും ബിജെപിയും ശബരിമല വിഷയം മാത്രം ഉന്നയിക്കുന്നത് വിഷയദാരിദ്ര്യം കൊണ്ടാണെന്ന ആരോപണം ഉന്നയിച്ച് സിപിഎം സംസ്ഥാന സെക്രട്ടറി എ വിജയരാഘവൻ. അവർക്ക് മറ്റ് വിഷയങ്ങൾ ചർച്ച ചെയ്യാനില്ലെന്നും, ശബരിമല വിഷയം ചർച്ച ചെയ്യാനും പ്രതിരോധിക്കാനും സിപിഎം ഇല്ലെന്നും അദ്ദേഹം വ്യക്തമാക്കി.
കോൺഗ്രസ് തകർന്നാൽ ബിജെപി വളരുമെന്ന വാദം വിചിത്രമാണെന്നും, കാലുമാറ്റം കോൺഗ്രസ് നേതാക്കളുടെ ജനിതക ഘടനയിൽ ഉള്ളതാണെന്നും അദ്ദേഹം ആരോപണം ഉന്നയിച്ചു. ഒപ്പം തന്നെ രാഹുൽ ഗാന്ധിയും പ്രിയങ്ക ഗാന്ധിയും കേരളത്തിലെത്തി റോഡ്ഷോ നടത്തിയാൽ യാതൊരുവിധ ചലനവും ഉണ്ടാകാൻ പോകുന്നില്ലെന്നും വിജയരാഘവൻ വ്യക്തമാക്കി.
Read also : മഞ്ചേശ്വരത്തെ പത്രിക പിൻവലിക്കുമെന്ന് സുന്ദര; നടപടി സുരേന്ദ്രന്റെ ആവശ്യപ്രകാരം