ന്യൂഡെൽഹി: ആം ആദ്‌മി പാർട്ടി എംപി സഞ്‌ജയ് സിംഗിന് വധഭീഷണി. എംപിയുടെ ഫോണിൽ വിളിച്ച അജ്‌ഞാതൻ വധഭീഷണി മുഴക്കുകയായിരുന്നു. സംഭവത്തിൽ ലഖ്‌നൗ പോലീസിന് സഞ്‌ജയ് സിംഗ് പരാതി നൽകി.
“വീണ്ടും വധഭീഷണി ലഭിച്ചു. ചിലർ എന്നെ കൊല്ലാൻ ആഗ്രഹിച്ചേക്കാം.. കുഴപ്പമില്ല. പക്ഷേ ആ ഭീരുക്കളോട് ഒരു കാര്യം പറയാൻ ഞാൻ ആഗ്രഹിക്കുന്നു. കുറ്റകൃത്യങ്ങൾക്കും അഴിമതിക്കുമെതിരെ ശബ്‌ദമുയർത്തുന്നത് നിർത്തില്ല…”- സഞ്‌ജയ് സിംഗ് ട്വിറ്ററിൽ കുറിച്ചു.
പരാതിയെ തുടർന്ന് ലഖ്‌നൗവിലെ ഗോമതി നഗർ സ്‌റ്റേഷനിൽ എഫ്‌ഐആർ രജിസ്‌റ്റർ ചെയ്‌തതായി പോലീസ് കമ്മീഷണർ ഡികെ താക്കൂർ പറഞ്ഞു. ഭീഷണി ലഭിച്ച ഫോൺ നമ്പറും സിംഗ് പോലീസിന് കൈമാറിയിട്ടുണ്ട്.
मुझे जान से मारने की धमकी के मामले में लखनऊ गोमती नगर थाने में मुक़दमा दर्ज। pic.twitter.com/anvQ0ZyzHd
— Sanjay Singh AAP (@SanjayAzadSln) November 26, 2021
Most Read: ‘ഒമൈക്രോൺ’; പുതിയ വകഭേദം കൂടുതൽ രാജ്യങ്ങളിൽ, ലോകമെങ്ങും ജാഗ്രത
