റാഞ്ചി: പ്രഭാത സവാരിക്കിടെ അഡീഷനല് ജില്ലാ ജഡ്ജി ഉത്തം ആനന്ദ് ഓട്ടോറിക്ഷ ഇടിച്ച് മരിച്ചു. ജാര്ഖണ്ഡിലെ ധന്ബാദ് ജില്ലാ കോടതിക്ക് സമീപം രണ്ധീര് വര്മ ചീക്കില് വെച്ചാണ് സംഭവം. മജിസ്ട്രേറ്റ് കോളനിക്ക് സമീപത്ത് വെച്ച് ഇദ്ദേഹത്തെ വാഹനം ഇടിച്ച് തെറിപ്പിക്കുകയായിരുന്നു. പരിക്കുകളോടെ സമീപത്തെ ആശുപത്രിയില് പ്രവേശിപ്പിച്ചെങ്കിലും ജീവൻ രക്ഷിക്കാനായില്ല. ബന്ധുക്കള് എത്തിയാണ് ഇദ്ദേഹത്തെ തിരിച്ചറിഞ്ഞത്.
കേസുമായി ബന്ധപ്പെട്ട് ആരെയും ഇതുവരെ അറസ്റ്റ് ചെയ്തിട്ടില്ല. അപകടമുണ്ടാക്കിയ വാഹനം സിസിടിവി ദൃശ്യങ്ങളില് വ്യക്തമാണെന്നും ഉടന് കണ്ടെത്തുമെന്നും പോലീസ് അറിയിച്ചു. സംഭവത്തില് ഉന്നതതല അന്വേഷണം നടത്തണമെന്ന് ജാർഖണ്ഡ് ജുഡീഷ്യല് സര്വീസ് അസോസിയേഷന് ആവശ്യപ്പട്ടു.
Read also: ‘സാഹചര്യം പോലെ തീരുമാനിക്കും’; പ്രതിപക്ഷ മുന്നണിയെ ആരു നയിക്കുമെന്ന് പറയാനാവില്ലെന്ന് മമത